قازاقستان رەسپۋبليكاسىنىڭ پرەمەر-ءمينيسترى اسقار مامين رەسەي فەدەراتسياسى ۇكىمەتىنىڭ توراعاسى ميحايل ميشۋستينمەن تەلەفون ارقىلى سويلەستى, دەپ حابارلايدى Egemen.kz.
ۇكىمەت باسشىلارى قازاقستان مەن رەسەيدە كوروناۆيرۋس ينفەكتسياسىمەن كۇرەستى كۇشەيتۋدىڭ ماڭىزدىلىعىن اتاپ ءوتتى.
اسقار مامين مەن ميحايل ميشۋستين قازاقستان-رەسەي ساۋدا-ەكونوميكالىق ىنتىماقتاستىعىنىڭ وزەكتى ماسەلەلەرىن جانە ونەركاسىپ, ەنەرگەتيكا, كولىك, ينفراقۇرىلىم جانە باسقا دا سالالارداعى بىرلەسكەن جوبالاردى ىلگەرىلەتۋدى تالقىلادى.
سونداي-اق ەۋرازيالىق ەكونوميكالىق وداق, تاۋەلسىز مەملەكەتتەر دوستاستىعى جانە باسقا دا ينتەگراتسيالىق بىرلەستىكتەر شەڭبەرىندەگى ءوزارا ءىس-قيمىل ماسەلەلەرى قارالدى.