ەل كولەمىندە ەڭ قىمبات ەت الماتىدا

2021 جىلعى قىركۇيەكتە ينفلياتسيا 0,4%-دى قۇرادى (تامىزدا - 0,5%). ازىق-ت ۇلىك تاۋارلارىنىڭ باعاسى ءبىر ايدا 0,1%-عا (تامىزدا - 0,1%), ازىق-ت ۇلىك ەمەس تاۋارلارعا - 0,6%-عا (تامىزدا - 0,6%), اقىلى قىزمەتتەرگە - 0,7%-عا (تامىزدا - 0,8%) ءوستى. جىلدىق ماندە ينفلياتسيا 8,9%-دى قۇرادى (تامىزدا - 8,7%).

وڭىرلەر بولىنىسىندە جىلدىق ينفلياتسيا 13 وڭىردە جەدەلدەدى, 3 وڭىردە باياۋلادى, 1 وڭىردە باعانىڭ ءوسۋ قارقىنى وزگەرىسسىز قالدى. ەڭ كوپ باياۋلاۋ پاۆلودار وبلىسىندا تامىز ايىندا 9,2%-دان قىركۇيەكتە 8,8%-عا دەيىن تىركەلدى.

ەڭ كوپ ۇدەۋ قىزىلوردا وبلىسىندا بايقالادى (8,2%-دان 8,8%-عا دەيىن). جىلدىق ينفلياتسيا 6 وڭىردە جالپى رەسپۋبليكالىق دەڭگەيدەن جوعارى بولدى, ولاردىڭ ىشىندە ەڭ ۇلكەن ءمان ماڭعىستاۋ وبلىسىندا تىركەلدى (9,8%). 

ۇلتتىق بانك اتاپ وتكەندەي, باعانىڭ جىلدىق وسۋىنە قازاقستان بويىنشا تبي-دە ەڭ ۇلكەن سالماققا يە الماتى جانە الماتى وبلىسى ەڭ كوپ ۇلەس قوسۋدى جالعاستىرۋدا. اتالعان وڭىرلەردە باعانىڭ ءوسۋى تيىسىنشە 8,7% جانە 8,5%-دى قۇرادى.

قازاقستاندا ازىق-ت ۇلىك تاۋارلارى جىلدىق ماندە 11,5%-عا (تامىزدا - 11,4%-عا) قىمباتتادى. ەڭ تومەنگى ءوسىم شىعىس قازاقستان (10,5%) جانە سولتۇستىك قازاقستان (10,6%) وبلىستارىندا, ەڭ جوعارى - ماڭعىستاۋ وبلىسىندا (13,1%) بايقالدى.ەل بويىنشا ازىق-ت ۇلىك ەمەس تاۋارلاردىڭ باعاسى 7,5%-عا (تامىزدا - 7,3%-عا) ءوستى. ازىق-ت ۇلىك ەمەس تاۋارلار باعاسىنىڭ ەڭ جوعارى ءوسۋى اتىراۋ جانە اقتوبە وبلىستارىندا (8,0%-دان), ەڭ تومەنى پاۆلودار وبلىسىندا (6,8%) تىركەلدى.

ەلىمىزدە اقىلى قىزمەتتەر 6,8%-عا (تامىزدا - 6,6%-عا) قىمباتتادى, بۇل رەتتە ەڭ جوعارى ءوسىم اقتوبە جانە جامبىل وبلىستارىندا (8,0%-دان), ەڭ تومەن - الماتى جانە قىزىلوردا وبلىستارىندا (6,1%-دان) بايقالدى.

قىركۇيەك ايىندا ازىق-ت ۇلىك تاۋارلارىنىڭ ايلىق تبي-گە قوسقان ۇلەسى ازىق-ت ۇلىك ەمەس تاۋارلار مەن اقىلى قىزمەتتەردىڭ ۇلەسىنە قاراعاندا از بولدى. ازىق-ت ۇلىك تاۋارلارىنىڭ ينفلياتسياسىنا ەڭ ۇلكەن ۇلەس ەت جانە ەت ونىمدەرى باعاسىنىڭ ءوسۋى, بۇل رەتتە كوكونىستەر مەن جەمىستەر 4,7%-عا ارزانداپ, ( - ) 0,13 پ. ت. مولشەرىندە تەرىس ۇلەس قوستى.

جالپى ەلىمىز بويىنشا ازىق-ت ۇلىك تاۋارلارىنىڭ باعاسى تامىز ايىنداعىداي ءبىر اي ىشىندە 0,1%-عا ءوستى. اتالعان توپتىڭ تاۋارلارىنا باعانىڭ 0,6% مولشەرىندە ماكسيمالدى ءوسۋى اتىراۋ وبلىسىندا, الماتى جانە شىمكەنت قالالارىندا قالىپتاستى, باعانىڭ 0,1%-دان 0,6%-عا دەيىن تومەندەۋى الماتى, شىعىس قازاقستان, سولتۇستىك قازاقستان, اقتوبە, قوستاناي جانە پاۆلودار وبلىستارىندا بايقالدى.

ەلىمىزدە ەت جانە ەت ونىمدەرى باعاسىنىڭ ءوسۋ قارقىنى وزگەرىسسىز قالدى (1,3%), بۇل رەتتە قۇس ەتى باعاسىنىڭ ءوسۋ قارقىنىنىڭ باياۋلاۋى بايقالدى (3,7%-دان 2,3%-عا دەيىن).

الماتىدا ەت جانە ەت ونىمدەرى باعاسىنىڭ ەڭ جوعارى ءوسۋى (3,2%-عا) بايقالدى, وندا سيىر ەتى (5,3%-عا) جانە جىلقى ەتى (4,0%-عا) قىمباتتادى, ولاردىڭ باعاسى تۇتاستاي ەل بويىنشا تيىسىنشە 1,6%-عا جانە 1,4%-عا ءوستى. اتىراۋ وبلىسىندا جىلقى ەتى باعاسىنىڭ ءوسۋى (3,5%-عا) جانە وڭىرلەر اراسىندا قۇس ەتى باعاسىنىڭ ەڭ جوعارى ءوسۋى (4,5%-عا) تىركەلدى.

شىمكەنتتە ءسۇت ونىمدەرى (2,3%-عا, ەل بويىنشا 0,9%-عا ءوسۋ كەزىندە), اتاپ ايتقاندا پاستەرلەنگەن ءسۇت (3,0%) جانە قايماق (2,5%) قىمباتتادى, ال وسى تاۋارلاردىڭ باعاسى ەل بويىنشا تيىسىنشە 1,1%-عا جانە 1,2%-عا ءوستى.