COVID-19 پاندەمياسى تۋبەركۋلەزگە قارسى كۇرەستە جەتكەن جەتىستىكتەرگە تەرىس اسەر ەتتى: سوڭعى ون جىلدا الەمدە العاش رەت وسى اۋرۋدان كوز جۇمعاندار سانى ءوستى. بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ بايانداماسىندا ايتىلعان, دەپ حابارلايدى Egemen.kz.
2020 جىلى اۋرۋعا شالدىققاندار سانى الدىڭعى جىلمەن سالىستىرعاندا از, ەم قابىلدايتىندار سانى دا قىسقارعان, بىراق قايتىس بولعاندار كوپ. بۇل جاعداي پاندەمياعا جانە ونىمەن بايلانىستى شەكتەۋلەرگە بايلانىستى تۇسىندىرىلەدى – ادامداردا تەكسەرىلەتىن جانە مەديتسينالىق كومەك الاتىن مۇمكىندىك بولمادى.
«بايانداما ءبىزدىڭ كۇدىگىمىزدى راستاپ وتىر: دەنساۋلىق ساقتاۋ سالاسىندا قىزمەتتەر كورسەتۋدەگى بوگەلىس تۋبەركۋلەزگە قارسى كۇرەسكەن جىلداردا جەتكەن جەتىستىگىمىزگە نۇقسان كەلتىرۋدە. بۇل ءبىزدى شۇعىل ارەكەت ەتۋگە, ينۆەستيتسيالاۋعا جانە يننوۆاتسيالىق تاسىلدەردى ەنگىزۋگە يتەرمەلەيتىن وتە الاڭداتارلىق جاڭالىق. ادامداردى دياگنوستيكالاۋدا, ەمدەۋدە جانە وڭالتۋداعى كەمشىلىكتەردى تەك وسىلاي جەڭۋگە بولادى», دەدى دارىگەر تەدروس گەبرەيەسۋس.
2020 جىلى وسى اۋرۋدان قايتىس بولعاندار سانى 1,5 ملن ادامدى قۇرادى. ددسۇ مالىمەتىنە سايكەس, 2021 جانە 2022 جىلدارى بۇل كورسەتكىش الدەقايدا جوعارى بولماق.