بەيسەنبى كۇنى تايۆاننىڭ گاوسيۋن قالاسىنداعى تۇرعىن ۇيدەن ءورت شىعىپ, كەم دەگەندە 46 ادام كوز جۇمعان. بۇل تۋرالى سينحۋا اگەنتتىگى ءمالىم ەتتى, دەپ حابارلايدى Egemen.kz.
14 قازانعا قاراعان ءتۇنى تايۆاننىڭ گاوسيۋن قالاسىنداعى كوپقاباتتى عيماراتتان ءورت شىقتى. توتەنشە جاعداي سالدارىنان كەم دەگەندە 46 ادام كوز جۇمىپ, 41 ادام جاراقات الدى.
جەرگىلىكتى باق-تىڭ حابارلاۋىنشا, كوپفۋنكتسيالى عيمارات 40 جىل بۇرىن سالىنعان, اپات كەزىندە وندا 140 ادام تۇرىپ جاتقان. قۇتقارۋشىلار ءىرى ءورتتى اۋىزدىقتادى. قازىرگى كەزدە تج سەبەبىن انىقتاۋ ماقساتىندا زەرتتەۋ ءجۇرىپ جاتىر.