14 قازاننان باستاپ وزبەكستانداعى پرەزيدەنتتىك سايلاۋدا مەرزىمىنەن بۇرىن داۋىس بەرۋ باستالدى. بۇل مەرزىم 14-20 قازان ارالىعىنا ەسەپتەلگەن, دەپ حابارلايدى Egemen.kz.
سايلاۋ زاڭناماسىنا سايكەس, وزبەكستاندا سايلاۋدىڭ نەگىزگى كۇنىندە قانداي دا ءبىر سەبەپتەرمەن تۇرعىلىقتى جەرى بويىنشا داۋىس بەرە المايتىن ازاماتتار مەرزىمگە دەيىن داۋىس بەرۋگە قۇقىلى.
مەرزىمگە دەيىن داۋىس بەرۋ سايلاۋدان ون كۇن بۇرىن باستالىپ, اياقتالۋىنا ءۇش كۇن قالعاندا اياقتالادى. شەتەلدە جۇرگەن وزبەكستاندىقتار ءۇشىن 49 ەلدە سايلاۋ ۋچاسكەسى اشىلدى.
قازاقستان اۋماعىندا ۋچاسكەلەر نۇر-سۇلتان, الماتى جانە اقتاۋ قالالارىنداعى دياسپورالىق وكىلدىكتەردە اشىلعان, سونداي-اق بارلىق وبلىستاردا كوشپەلى سايلاۋ كوميسسيالارى جۇمىس ىستەيتىن بولادى.
ەسكە سالا كەتسەك, وزبەكستان پرەزيدەنتىن سايلاۋ 24 قازاندا وتەدى. سايلاۋعا بەس كانديدات, سونىڭ ىشىندە قازىرگى پرەزيدەنت شاۆكات ميرزيوەۆ قاتىسۋدا.