21-24 قازان كۇندەرى قىتايدىڭ باس شاھارى بەيجىڭدە شورت-ترەكتەن الەم كۋبوگىنىڭ كەزەڭدىك سايىسى وتەدى.
كۇنى كەشە عانا قازاقستان ۇلتتىق قۇراما كومانداسىنىڭ باپكەرلەرى قىتايدا قانداي قۇرامدا ونەر كورسەتەتىندەرىن جاريا ەتتى. ەرلەر اراسىندا دەنيس نيكيشا, ابزال اجعاليەۆ, ءادىل عالياحمەتوۆ, نۇرتىلەك قاجىعالي, ەركەبۇلان شامۇحانوۆ جانە مەرسايد جاقسىباەۆ سىندى شورت-ترەكشىلەر سايىسقا تۇسەدى. ايەلدەر سايىسىندا ءاليا امىرعاليەۆا, اسەل تايشىمانوۆا, يانا حان, ولگا تيحونوۆا, الەنا ۆولكوۆيتسكايا جانە ءمادينا جانبوسىنوۆاعا سەنىم ارتىلىپ وتىر.
ەستەرىڭىزگە سالا كەتەيىك, بيىلعى جىلدىڭ سوڭىنا دەيىن الەم كۋبوگى ساناتىنا ەنەتىن تاعى ءتورت كەزەڭدىك سايىستار وتەدى. بۇل باسەكەلەردى جاپونيانىڭ ناگويا (28-30 قازان), ماجارستاننىڭ دەبرەتسەن (18-21 قاراشا) جانە نيدەرلاندتىڭ دوردرەحت (25-28 قاراشا) قالالارى قابىلدايدى.