«اق بارستى» جەڭۋ قيىن

وسىنىڭ الدىندا عانا ءوز مۇز ايدىنىندا وتكىزگەن ەكى كەزدەسۋدە ومبىنىڭ «اۆانگارد» (1:0) جانە سانكت-پەتەربۋرگتىڭ سكا (3:0) كلۋبتارىن قاپى قالدىرىپ, جانكۇيەرلەرىن قۋانتقان جەرلەستەرىمىزدىڭ بۇل جولى «اق بارسقا» ءالى جەتپەدى. ءبىرىنشى كەزەڭ باستالعان بەتتە كريستيان حەنكەل مەن دميتري كاگارليتسكي قاتارىنان ەكى رەت نىسانانى ءدال كوزدەپ, تاتارستاندىق كوماندانى العا شىعاردى. 6-مينۋتتا ياكوب بەرگلۋند ەسەپ ايىرماشىلىعىن قىسقارتتى. سول كەزدە باس-اياعى ءبىر مينۋت ارالىعىندا جىلدام سوعىلعان ەكى شايبانى كەزدەيسوقتىققا بالاپ تا ۇلگەردىك. بىراق مۇنىمىز بەكەر ەكەن. ودان كەيىن نيكولاي كوۆالەنكو (24-مينۋت), كيريلل پانيۋكوۆ (28-مينۋت), دانيس زاريپوۆ (32-مينۋت) ءبىر-ءبىر مارتە مەرگەندىك تانىتسا, كاگارليتسكي (39-مينۋت) دۋبل اۆتورى اتاندى. «بارىستىڭ» ويىنشىلارى اراسىنان تەك ۆالەري ورەحوۆ (31-مينۋت) پەن ەگور شالاپوۆ (41-مينۋت) گول سوعۋعا جارادى. ناتيجەسىندە, 3:6 ەسەبىمەن ايدىن يەلەرى جەڭىلىس تاپتى.

ءوزىنىڭ كەلەسى كەزدەسۋىن «بارىس» 13 قازاندا سىرتتا «اۆانگاردپەن» وتكىزەدى.