تايلاندتىڭ ناكحونپاتحوم قالاسىندا ۆولەيبولدان ەرلەر اراسىنداعى ازيانىڭ كلۋبتىق چەمپيوناتى وتۋدە. “بۋرەۆەستنيك” كلۋبى ازيا تۋرنيرىندە العاشقى ويىننان كەيىن كوشباسشى بولىپ وتىر. ءارى قارايعى ماتچتاردا جەڭىسكە ۇمتىلۋدا.
اتالعان جارىستا قازاقستاننىڭ اتىنان الماتىنىڭ «بۋرەۆەستنيگى» باق سىناۋدا. العاشقى ويىندا وتانداستارىمىز يراكتىڭ «سوۋز گاز كلۋبىنان» 2:3 ەسەبىمەن ۇتىلىپ قالعان ەدى. ەسەسىنە كەلەسى ەكى كەزدەسۋدە جەڭىسكە جەتىپ, ءوز جانكۇيەرلەرىن قۋانتتى. اتاپ ايتساق, ەكىنشى تۋردا جەرگىلىكتى «ناحون رادچاسيمانى» ويسىراتا ۇتتى – 3:0. كەشە شري-لانكانىڭ «سەب» كلۋبىن سان سوقتىردى – 3:0. قازىرگى كەزدە الماتىلىق ۆولەيبولشىلار جارىس كەستەسىندە كوش باستاپ تۇر. توپتىق تۋرنيردەگى سوڭعى باسەكەسىن «بۋرەۆەستنيك» 12 قازان كۇنى كۋۆەيتتىڭ «كامزاسىمەن» وتكىزەدى.
كەلەسى توپتا يراننىڭ «سيرجان فوۋلاد», كاتاردىڭ ء«ال-ارابي سپورتس كلۋب», ءفيليپپيننىڭ «رەبيسكو», وزبەكستاننىڭ «اگمك» جانە تايلاندتىڭ «دايموند فۋد» كلۋبتارى كۇش سىناسۋدا.