يتاليادا وتكەن «كوپپا اگوستوني» دوداسى قازاقستاندىق ۆەلوشاباندوز الەكسەي لۋتسەنكونىڭ جەڭىسىمەن اياقتالدى, دەپ جازادى Egemen.kz.
ايتۋلى جارىس ادەتتەگىدەي اپەننين تۇبەگىندەگى لومبارديا وڭىرىندە ورنالاسقان ليسسونە قالاسىنىڭ ماڭىندا ۇيىمداستىرىلدى. «استانانىڭ» سەركەسى 180 شاقىرىمدىق قاشىقتىقتى 4 ساعات 19 مينۋت 44 سەكۋندتا ءجۇرىپ ءوتىپ, باس جۇلدەنى ولجالادى. ەكىنشى جانە ءۇشىنشى ورىنداردى يەلەگەن «UAE-Team Emirates» كلۋبىنىڭ ساپىنداعى يتاليانىڭ قوس سايىپقىرانى – ماتتەو ترەنتين مەن الەسساندرو كوۆي جەرلەسىمىزدەن 12 سەكۋند قالىپ قويدى.
جىل سايىن ءداستۇرلى تۇردە ۇيىمداستىرىلىپ تۇراتىن «كوپپا اگوستيني» جارىسىندا «استانانىڭ» نامىسىن الەكسەي لۋتسەنكودان بولەك, مانۋەلە بوارو, سامۋەلە باتتيستەللا, فابيو فەللينە, ماتتەو سوبرەرو (يتاليا) جانە رودريگو كونترەراس (كولۋمبيا) سىندى ۆەلوشاباندوزدار قورعادى.