قازاقستاندىق بالۋان المات كەبىسپاەۆ وسلودو ءوتىپ جاتقان الەم چەمپيوناتىنىڭ قولا جۇلدەسىنە يە بولدى, دەپ حابارلايدىEgemen.kz.
نورۆەگيادا كۇرەس تۇرلەرىنەن الەم چەمپيوناتىنىڭ سوڭعى جارىس كۇنىندە قازاقستان قورجىنىنا قولا مەدال ءتۇستى.
المات كەبىسپاەۆ گرەك-ريم كۇرەسىنەن 67 كەلىگە دەيىنگى سالماق دارەجەسىندەگى جۇبانىش بەلدەسۋىندە مۋرات فيراتتى (تۇركيا) 7:4 ەسەبىمەن جەڭىپ, قولا جۇلدەگە يە بولدى. ناتيجەسىندە, قۇرامانىڭ كوشباسشىسى المات كەبىسپاەۆ الەم چەمپيوناتىنىڭ بەس دۇركىن جۇلدەگەرى اتاندى.
ايتا كەتەرلىگى, المات كەبىسپاەۆ بۇعان دەيىن گرەك-ريم كۇرەسىنەن الەم چەمپيوناتىنىڭ ءبىر كۇمىس جانە ءۇش قولا مەدالىن جەڭىپ العان.