وزبەكستاننىڭ سىرتقى ىستەر ءمينيسترى ءابدۋلازىز كاميلوۆ باستاعان دەلەگاتسيا كابۋل قالاسىندا «تاليبان» قوزعالىسىنىڭ جەتەكشىلەرىمەن كەلىسسوز وتكىزدى, دەپ جازادى Egemen.kz.
وزبەكستان سىرتقى ىستەر مينيسترلىگىنىڭ مالىمەتىنشە, ءابدۋلازىز كاميلوۆ اۋعانستاننىڭ ۋاقىتشا ۇكىمەتىندەگى سىرتقى ىستەر ءمينيسترى مىندەتىن اتقارۋشى ءامىر حان موتتاكيمەن ترانزيت, ەنەرگەتيكا جانە ساۋدا ماسەلەلەرىن تالقىلادى.
«تاليبان» وكىلدەرى وزبەكستان باسشىلىعىنا مازاري-شاريف قالاسىنداعى حالىقارالىق اۋەجايدى جوندەۋگە كومەكتەسكەنى, وزبەك-اۋعان شەكاراسىنىڭ ءۇزىلىسسىز جۇمىس ىستەپ تۇرعانى ءۇشىن العىس ايتقان.
تاراپتار جاقىندا تەرمەز قالاسىندا ساۋدا-ەكونوميكا سيپاتىنداعى ماسەلەلەردى, سونىڭ ىشىندە «سۇرقان - پۋلي-حۋمري» ەلەكتر جەلىسى مەن «مازاري-شاريف – كابۋل – پەشاۆار» تەمىرجول قۇرىلىسىنىڭ جوباسىن بىرلەسىپ تالقىلاۋعا كەلىستى, دەلىنگەن ءسىم حابارلاماسىندا.
مالىمەتكە قاراعاندا, تالىپتەر وسى جوبالاردى جۇزەگە اسىرۋعا تارتىلاتىن وزبەك ماماندارىنىڭ قاۋىپسىزدىگىن قامتاماسىز ەتۋگە دايىن.
«تاليبان» باسشىلىعى «اۋعانستاننان باۋىرلاس وزبەكستانعا ەشقانداي قاۋىپ جوق» دەپ مالىمدەگەن», دەپ جازادى ورتالىق ازيانىڭ جاڭالىقتار قىزمەتى.