جازا قاتاڭ بولسا دا, براكونەرلىك تىيىلار ەمەس

مينيسترلىكتىڭ­ ورمان شا­ر­­ۋا­­­­شىلىعى جانە جانۋار­لار دۇ­نيەسى كوميتەتى ­تورا­عا­سى­نىڭ ورىنباسارى دانيار عا­لىم­ ۇلى­نىڭ ايتۋىنشا, جىل باسىنان بەرى كو­مي­تەتتىڭ اۋماقتىق بولىم­شە­لەرىنىڭ ينسپەكتورلارى مەن قورىقشىلار 1700-دەن استام رەيد ۇيىمداستىرىپ, 441 تەكسەرۋ جۇرگىزگەن.

«وسىنداي ءىس-شارالاردىڭ ناتيجەسىندە تابيعات قورعاۋ زاڭىن بۇزۋعا قاتىستى 820 فاكتى انىقتالىپ, 800-گە جۋىق ادام اكىمشىلىك جاۋاپكەرشىلىككە تار­تىلدى. سالىنعان اكىمشىلىك ايىپ­پۇل سوماسى 8 ملن تەڭگەدەن اسادى. ال وندىرىلگەن ايىپپۇل كولەمى 6 ملن تەڭگەدەن استام», دەدى سپيكەر.

بريفينگتە براكونەرلىكپەن كۇرەس شارالارى تۋرالى كەڭىنەن ماع­لۇمات بەرگەن د.تۇر­عام­با­ەۆ اقبوكەندەردى قورعاۋ ماسە­لەسىنە ەرەكشە توقتالدى. ونىڭ ايتۋىنشا, تۇراقتى قور­ع­ا­ۋدىڭ ارقاسىندا بۇگىندە اقبو­كەن­دەر­دىڭ سانى 842 مىڭعا جەتكەن.

«جانۋارلاردىڭ سيرەك كەز­دە­­سە­تىن جانە جويىلىپ بارا جاتقان تۇرلەرىن, ونىڭ ىشىن­­دە كيىكتەردى قورعاۋدى «وحوت­زووپروم» ءوب» رمقك جالپى اۋدانى 123 ملن گا بو­لا­تىن 12 وب­لىس­تىڭ اۋما­عىن­دا جۇزەگە اسى­رىپ كەلەدى. مەكەمەدە بۇ­گىندە 430 ينسپەكتور جۇمىس ىستەيدى. ولار ءجۇرىپ ءوتۋ مۇم­كىن­دىگى جو­عا­رى 152 جول تال­عا­مايتىن كو­لىكپەن قام­تا­ما­سىز ەتىلگەن», دەدى ول.

2019 جىلى قايعىلى وقيعا كەزىندە ءۇش ينسپەكتوردىڭ قازا تاپقانى ەسىمىزدە. وسى وقي­عا­دان كەيىن مەملەكەت باس­شىسى براكونەرلىكپەن كۇ­رەس بويىنشا تۇبەگەيلى ءارى كە­يىن­گە قالدىرۋعا بولمايتىن شارالاردى قابىلداۋدى تاپ­سىرعان بولاتىن. وسىعان وراي, وتكەن جىلى قاڭتاردا «قا­زاق­ستان رەسپۋبليكاسىنىڭ كەي­بىر زاڭنامالىق اكتىلەرىنە قىل­مىس­­تىق, قىلمىستىق ءىس جۇرگىزۋ زاڭ­نا­ماسىن جەتىلدىرۋ جانە جەكە ادامنىڭ قۇقىقتارىن قورعاۋدى كۇشەيتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ كۇشىنە ەنىپ, جازا قاتايتىلدى. ماسەلەن, قىل­­مىستىق تەرىس قىلىقتار قىل­مىسقا اۋىستىرىلىپ, كىنا­لىلەر 10 جىلعا دەيىن باس بوس­تان­دىعىنان ايىرىلادى.

سونىمەن قاتار براكونەر­لىك­تى دەر كەزىندە انىقتاۋ جانە جولىن كەسۋ ماقساتىندا جىل سايىن ەگترم, ءىىم مەن ۇقك-ءنىڭ بىرلەسكەن بۇيرىعىمەن كوكتەمگى جانە قىسقى كەزەڭدەردە كەڭ اۋقىم­دى «كيىك» تابيعات قور­عاۋ اكتسياسىن وتكىزۋ جوس­پا­­رى بەكىتىلگەن. اكتسيا اياسىن­دا ەل اۋماعىنداعى جابا­يى فاۋ­نانىڭ باسقا دا تۇر­لە­رىن وتكىزۋگە جانە ساتىپ الۋعا ما­مان­­دانعان قىلمىستىق توپ­­تار اشكەرەلەنگەن. جىل با­سى­نان بەرى ينسپەكتورلار كيىك براكونەرلىگىنە قاتىس­تى 56 فاكتىنى انىقتاپ, 4077 ءمۇيىز جانە 141 كيىكتىڭ ۇشا­سىن تار­كى­لەگەن. الايدا د.تۇر­عام­باەۆتىڭ ايتۋىنشا, قابىل­دا­نىپ جاتقان شارالارعا, قىل­مىستىق جاۋاپكەرشىلىكتىڭ قا­تاڭداعانىنا قاراماستان, ەلى­مىز­دە براكونەرلىك تىيىلماي تۇر.

براكونەرلەرمەن كۇرەستە ءىىم-مەن بىرگە ارنايى ءىس-قيمىل الگو­ريتمىنىڭ ازىرلەنگەنىن ايت­قان سپيكەر الداعى ۋاقىتتا جان­ۋارلار دۇنيەسىن قورعاۋ, ەسەپ­كە الۋ جانە مونيتورينگ جۇرگىزۋ كەزىندە پيلوتسىز ۇشۋ اپپاراتتارى مەن GPS-ترە­كەر­لەر­دىڭ قولدانىلاتىنىن دا ما­لىمدەدى. ماسەلەن, «وحوت­زووپروم» ءوب رمقك ماتە­ريالدىق-تەحنيكالىق بازاسىن جاڭارتۋ كەزىندە ينسپەكتورلاردى بەينەتىركەۋ جۇيەلەرىمەن جاراقتاندىرۋ, قورىقشىلاردى قور­عانىش كەۋدەشەلەر, كىسەندەر, ارنايى رەزەڭكە تاياقتار, كولىكتى توق­تاتۋعا ارنالعان قۇرىل­عى­لار­مەن قامتاماسىز ەتۋ دە قولعا الىن­عان.