نەمىس بوكسشىسى ارتۋر مانن شارشى الاڭعا قازاقتىڭ ۇلتتىق ويۋى بار كيىم كيىپ, قازاقستاننىڭ تۋىن الىپ شىعادى, دەپ حابارلايدى Egemen.kz.
ول لاتۆيالىق بوكسشى مايريس برەديسپەن 16 قازاندا رەنا ارەناسىندا جۇدىرىقتاسادى. ەكى بوكسشى ءبىرىنشى اۋىر سالماقتا IBF چەمپيوندىق بەلبەۋىن ساراپقا سالادى. بۇل برەديس ءۇشىن ءبىر جىلدان استام ۇزىلىستەن كەيىنگى ءبىرىنشى جەكپە-جەك بولماق.
ايتا كەتەيىك, مانن 1990 جىلى اقتوبەدە تۋىپ, ەكى جىلدان كەيىن گەرمانياعا كوشكەن. كاسىبي بوكستا گەرمانيا اتىنان شىعادى.