سىرىمبەك تولەۋ «تەحنيكالىق جانە كاسىپتىك ءبىلىمدى دامىتۋ جانە بىلىكتىلىكتى بەرۋدىڭ رەسپۋبليكالىق عىلىمي-ادىستەمەلىك ورتالىعى» اكتسيونەرلىك قوعامىنىڭ بىلىكتىلىكتى سەرتيفيكاتتاۋ, كاسىپتىك-تەحنيكالىق جانە ورتا بىلىمنەن كەيىنگى ءبىلىم بەرۋ ۇيىمدارىن ينسپەكتسيالاۋ جانە رانجيرلەۋ دەپارتامەنتىنىڭ ديرەكتورى لاۋازىمى قىزمەتىنە تاعايىندالدى, دەپ حابارلايدى Egemen.kz.
سىرىمبەك تولەۋ, 2013-2015 جىلدارى — استانا قالاسىنداعى دارىندى بالالارعا ارنالعان №2 وبلىستىق مەكتەپ-ينتەرناتىندا قازاق ءتىلى مەن ادەبيەتى ءپانىنىڭ مۇعالىمى بولىپ باستاعان.
2013-2015 جىلدارى — «قازاق ءۇنى» رەسپۋبليكالىق قوعامدىق-ساياسي گازەتىنىڭ ءتىلشىسى.
2016 جىلى —«الاتاۋ» ء داستۇرلى ونەر تەاتر ديرەكتورىنىڭ دامىتۋ جونىندەگى ورىنباسارى.
2018–2019 جىلدارى — قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ەڭبەك, الەۋمەتتىك قورعاۋ جانە كوشى - قون كوميتەتىندە جۇمىس ىستەگەن.
2019-2021 جىلدارى — «وتانداستار قورى» كوممەرتسيالىق ەمەس اكتسيونەرلىك قوعامىندا مەنەدجەر.
2019-2021 جىلدارى — قر تۇڭعىش پرەزيدەنتى-ەلباسى توراعاسى بولىپ تابىلاتىن دۇنيەجۇزى قازاقتارى قاۋىمداستىعىنىڭ ءباسپاسوز حاتشىسى.
2021 جىلعى تامىزدان باستاپ قازىرگى ۋاقىتقا دەيىن «رعاو» اق باسپاحانا ديرەكتورى قىزمەتىن اتقارعان.