سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ وتىرىسىندا دەپۋتاتتار تمد قاتىسۋشى مەملەكەتتەردىڭ قارۋلى كۇشتەرىنىڭ ىنتىماقتاستىعىن جەتىلدىرۋگە ىقپال ەتەتىن زاڭ جوبالارىن تالقىلادى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
زاڭ جوبالارىنىڭ ءبىرى بايلانىس جۇيەلەرىنىڭ جۇمىسىن جاقسارتۋ ءۇشىن ازىرلەندى. كەلىسىمگە قاتىسۋشىلار قارۋلى كۇشتەردىڭ باسقارۋ جۇيەسىندە قاجەتتى بايلانىس قىزمەتتەرىن الا الادى جانە اقپارات تۇرلەرىمەن الماسا الادى. بۇدان باسقا, كەلىسىمدى راتيفيكاتسيالاۋ عىلىمي-زەرتتەۋ جۇمىستارىمەن بىرلەسىپ اينالىسۋعا مۇمكىندىك بەرەدى.
قارالعان ەكىنشى زاڭ جوباسىنا سايكەس تمد-عا قاتىسۋشى مەملەكەتتەردىڭ قارۋلى كۇشتەرى مينا القاپتارىن تەحنيكالىق بارلاۋعا قاتىسا الادى, جارىلىس قاۋپى بار زاتتاردىڭ بار-جوعىنا وبەكتىلەردى زەردەلەي الادى, سونداي-اق بۇرىن ۇرىس قيمىلدارى جۇرگىزىلگەن اۋداندارعا بارلاۋ جۇرگىزە الادى.
وتىرىس قورىتىندىسى بويىنشا دەپۋتاتتار اتالعان زاڭ جوبالارىن پالاتانىڭ قاراۋىنا جىبەرۋ تۋرالى شەشىم قابىلدادى.