دجوردج سوروس قورلارىنىڭ ءبىرى قارجىلاندىرعان تەرگەۋشى جۋرناليستەردىڭ حالىقارالىق كونسورتسيۋمى (ICIJ) بىرقاتار الەمدىك كوشباسشىلار مەن قوعامدىق تۇلعالاردىڭ وففشورلىق سحەمالارعا قاتىسۋى تۋرالى «پاندورا قۇجاتتاماسىن» جاريالادى. ولاردىڭ قاتارىنا ۋكراينا پرەزيدەنتى ۆلاديمير زەلەنسكي, كەنيا پرەزيدەنتى ۋحۋرۋ كەنياتتا, ءانشى شاكيرا, مودەل كلاۋديا شيفەر, حۋليو يگلەسياس جانە باسقا دا اتاقتى تۇلعالار كىردى, دەپ حابارلايدى Egemen.kz ريا نوۆوستيگە سىلتەمە جاساپ.
كونسورتسيۋم بۇعان دەيىن بۇل تەرگەۋدى «قارجىلىق قۇپيالاردىڭ ەڭ ۇلكەن دالەلدەمەسى» دەپ اتاعان. ول بۇل قۇجاتتا 117 ەلدەن كەلگەن 600-دەن استام ءجۋرناليستىڭ رەپورتاجدارى جانە اعىپ كەتۋ ناتيجەسىندە الىنعان 11,9 ميلليوننان استام فايل تۋرالى مالىمەتتەر بار ەكەنىن اتاپ ءوتتى.
سىبايلاس جەمقورلىق جانە ۇيىمداسقان قىلمىستى زەرتتەۋ ورتالىعىنىڭ (ۇيىمداسقان قىلمىس جانە سىبايلاس جەمقورلىقتى قالپىنا كەلتىرۋ جوباسى, OCCRP) ايتۋىنشا, تەرگەۋدە 35-تەن استام قازىرگى جانە بۇرىنعى ۇلتتىق كوشباسشىلار, سونداي-اق 100-گە جۋىق ەلدىڭ 400 شەنەۋنىگى بار.
سونىمەن, «پاندورا قۇجاتتاماسىنا» سايكەس كەنيا پرەزيدەنتى ۋحۋرۋ كەنياتتا وتباسى مۇشەلەرىمەن بىرگە وففشورلىق ايماقتارعا 30 ميلليون دوللاردان استام قاراجات اۋدارعان.
تەرگەۋدە كەنيا باسشىسى مەن ونىڭ وتباسى بىرنەشە قورلار مەن «جالعان كومپانيالارعا» يە ەكەندىگى ايتىلعان. وتباسى كەم دەگەندە وسىنداي جەتى ۇيىمعا يە بولدى - ەكەۋى پانامادا جانە بەسەۋى ۆيرگين ارالدارىندا تىركەلگەن. كوپتەگەن جىلدار بويى ولار جاسىرىن تۇردە «وففشورلىق كورپوراتيۆتى جابىننىڭ ارتىنداعى جەكە بايلىقتى» جيناقتاپ كەلگەن.
سىبايلاس جەمقورلىقتى جانە ۇيىمداسقان قىلمىستى زەرتتەۋ ورتالىعى (OCCRP) «پاندورا قۇجاتتاماسىنا» سىلتەمە جاساي وتىرىپ, زەلەنسكي وففشورلىق سحەمالاردى قولداندى دەگەن بولجام جاساعان.
سونداي-اق, «پاندورا قۇجاتتاماسى» حالىقارالىق جۋرناليستەر كونسورتسيۋمىنىڭ (ICIJ) تەرگەۋى اقش-تىڭ ەڭ ءىرى زاڭ فيرماسى Baker McKenzie ۋكراينالىق وليگارح يگور كولومويسكيگە جالعان كومپانيالار ارقىلى ميللياردتاعان دوللاردى جىلىستاتۋعا كومەكتەسكەنىن انىقتادى.
قۇجاتتامادا لاتىن امەريكاسى ەلدەرىنىڭ قازىرگى ءۇش پرەزيدەنتى – چيلي, ەكۆادور جانە دومينيكان رەسپۋبليكاسى جانە ون ءبىر بۇرىنعى پرەزيدەنت بار. لاتىن امەريكاسىنىڭ بۇرىنعى باسشىلارىنىڭ قاتارىنا كولۋمبيالىقتار سەسار گاۆيريا مەن اندرەس پاستران, پەرۋان پەدرو كۋچينسكي, گوندۋراس پورفيريو لوبو, پاراگۆايلىق وراسيو كارتەس, پانامالىقتار حۋان كارلوس ۆارەلا, ريكاردو مارتينەللي, ەرنەستو پەرەس باليدارەس كىرەدى.
سونىمەن قاتار, اتالعان قۇجاتتا ۆيرگين ارالدارى مەن پانامادا وففشورلاردى قولدانعان 90 جوعارى دارەجەلى لاتىن امەريكاسىنىڭ ساياساتكەرلەرى, سۋرەتشىلەر, ءدىني قاۋىمداستىقتاردىڭ باسشىلارى, ميلليونەرلەر بار.
كولۋمبيالىق ءانشى شاكيرا جانە نەمىس سۋپەرمودەل كلاۋديا شيففەر دە تىزىمگە ەنگەن بار.
ICIJ اقش-تى الەمدەگى ەڭ ۇلكەن سالىق باسپاناسى دەپ اتادى. ەسەپ بويىنشا, اقش-تىڭ وڭتۇستىك داكوتا شتاتىندا بۇرىن قارجىلىق قىلمىس جاسادى دەپ ايىپتالعان ادامداردىڭ ميللياردتاعان دوللارلىق بايلىعى بار. The Guardian ءجۋرناليستىنىڭ ايتۋىنشا, مۇنداي جاڭالىق اقش پرەزيدەنتى دجو بايدەندى ىڭعايسىز جاعدايعا قالدىرۋى مۇمكىن, سەبەبى ول الەمدىك قارجى جۇيەسىنىڭ اشىقتىعىن قامتاماسىز ەتۋ ءۇشىن حالىقارالىق كۇش-جىگەردى باسقارۋعا ۋادە بەرگەن.
ICIJ الداعى كۇندەردە, ايلاردا جانە ءتىپتى جىلداردا «پاندورا قۇجاتتاماسىن» تەرگەۋدە جاڭا ەسىمدەردىڭ پايدا بولۋىن جوققا شىعارمايدى, جالپى العاندا جۋرناليستەر ولاردىڭ قاراماعىنا تۇسكەن 12 ميلليون قۇجاتتى زەرتتەپ ۇلگەردى.