قازاقستان ۇستەل تەننيسى فەدەراتسياسىنىڭ پرەزيدەنتى دانيار ابىلعازين ATTU ازيا ۇستەل تەننيسى وداعىنىڭ ۆيتسە-پرەزيدەنتى بولىپ سايلاندى. ورتالىق ازيا بويىنشا ايماقتىق ۆيتسە-پرەزيدەنت لاۋازىمىنا قازاقستان ۇلتتىق فەدەراتسياسى باسشىسىنىڭ كانديداتۋراسىن ATTU كونگرەسى وتىرىسىنا قاتىسۋشىلار ءبىراۋىزدان قولدادى, دەپ حابارلايدى Egemen.kz.
ارىپتەستەرى قازاقستاندا سوڭعى جىلدارى ۇستەل تەننيسىنىڭ قارقىندى دامىپ كەلە جاتقانىن, وتكىزىلگەن حالىقارالىق تۋرنيرلەردىڭ جوعارى دەڭگەيىن جانە بۇكىل رەسپۋبليكا بويىنشا ينفراقۇرىلىمنىڭ دامىعانىن اتاپ ءوتتى.
جاقىندا جاڭا ۇستەل تەننيسى ورتالىعىندا ءبىرىنشى رەت ITTF Kazakhstan International Open 2021 حالىقارالىق ءتۋرنيرى ءوتتى, ال 2017 جىلدىڭ اياعىندا حالىقارالىق فەدەراتسيا ماڭىزدى تۋرنيرلەرىنىڭ ءبىرى, ITTF الەمىنىڭ سوڭعى كەزەڭى ITTF World Tour Grand Finals دوداسىن ەلوردا تورىندە ۇيىمداستىردى. بۇل تۋرنيرلەردىڭ جوعارى دەڭگەيدە ۇيىمداستىرىلۋىن بارلىق قاتىسۋشىلار, سونداي-اق ITTF وكىلدەرى اتاپ ءوتتى.