الماتىدا كارانتين شارالارىن بۇزعان «قىزىل» مارتەبەسى بار 267 ادام ايىپپۇل تولەيدى, دەپ حابارلايدى Egemen.kz.
«اshyq ارقىلى 14 كۇندىك ءۇي كارانتينىن بۇزعان 267 الماتىلىق اكىمشىلىك جاۋاپقا تارتىلىپ, 30 اەك كولەمىندە ايىپپۇل تولەدى», دەپ حابارلادى سانيتارلىق-ەپيدەميولوگيالىق باقىلاۋ دەپارتامەنتى.
COVID-19-عا پتر تەست تاپسىرىپ, وڭ ناتيجەسىن العان الماتىلىقتار قوعامدىق ورىندارعا بارىپ, «ASHYQ» بويىنشا جۇمىس ىستەيتىن نىسانداردا, دالىرەك ايتقاندا, حقكو, مەيرامحانالار, فيتنەس-ورتالىقتار, اۋەجاي, كينوتەاترلار, كومپيۋتەرلىك كلۋبتار, باسسەيندەر سياقتى باسقا دا نىسانداردىڭ قىزمەتتەرىن پايدالانۋعا تىرىستى.
«قىزىل» ستاتۋسى انىقتالعان تۇرعىندار «ASHYQ» جوباسى بويىنشا جۇمىس ىستەيتىن وبەكتىلەرگە جىبەرىلمەيدى. ءوزىن-ءوزى وقشاۋلاۋ رەجيمىن كوبىنەسە كەڭسە ۇيىمدارى, الەۋمەتتىك سالا, ءبىلىم بەرۋ ۇيىمدارى, بانكتەر, ساۋدا, قارجى نارىعى, الەۋمەتتىك قىزمەتتەر, قوعامدىق تاماقتانۋ جانە باسقا دا نىسانداردىڭ قىزمەتكەرلەرى بۇزادى», دەلىنگەن حابارلامادا.
سانيتاريالىق-ەپيدەميولوگيالىق باقىلاۋ دەپارتامەنتى امبۋلاتورلىق ەم الىپ جاتقان ازاماتتاردى ءوزىن-ءوزى وقشاۋلاۋ رەجيمىن بۇزباۋعا جانە قوعام الدىندا ازاماتتىق جاۋاپكەرشىلىكتى ۇمىتپاۋعا شاقىرادى.