اتىراۋدا سابيىنە 38 پىشاق جاراقاتىن سالعان ايەل سوتتالدى, دەپ حابارلايدى Egemen.kz.
وبلىستىق سوتتىڭ ءباسپاسوز قىزمەتى حابارلاعانداي, سوت پروتسەسى مامانداندىرىلعان مەديتسينالىق مەكەمەدە ەمدەلىپ جاتقان ايىپتالۋشىسىز وتۋدە.
سوت پروتسەسىندە 41 جاستاعى ايەلدىڭ جولداسى كۋالىك ەتتى. ونىڭ ايتۋىنشا, بالاعا ايەلىنىڭ تاراپىنان زيان كەلتىرۋ ارەكەتتەرى بۇرىننان باستالىپ, بۇگىنگى كۇنگە دەيىن جالعاسىپ كەلگەن. قىلمىس جاساعان كۇنى ول ۇيدە بولماعان.
«ايىپتالۋشى بايكيەۆا بالانىڭ جىلاۋىن توقتاتپايدى جانە تىنىشتالمايدى دەپ اشۋلانىپ, اس ءۇي پىشاعىمەن بالانىڭ كەۋدەسىنە 30-دان استام پىشاق جاراقاتىن سالعان. بالا العان جاراقاتىنان وقيعا ورنىندا مەرت بولدى», دەدى مەملەكەتتىك ايىپتاۋشى نۇربولات ءابىلوۆ.
قازىرگى ۋاقىتتا سوت تىڭداۋلارى جالعاسۋدا.