قازاقستاندىق, الەمنىڭ 47-راكەتكاسى يۋليا پۋتينتسەۆا Astana Open WTA 250 ءتۋرنيرىنىڭ جارتىلاي فينالىنا شىقتى, دەپ حابارلايدى Egemen.kz قتف ءباسپاسوز قىزمەتىنە سىلتەمە جاساپ.
وسى دودانىڭ ءبىرىنشى راكەتكاسى بولىپ تىركەلگەن قازاقستاندىق تەننيسشى شيرەك فينالدا دۇنيەجۇزىلىك رەيتينگتە 160-ورىندا تۇرعان رەسەيلىك اناستاسيا گاسانوۆامەن كەزدەستى.
ءبىرىنشى سەتتە پۋتينتسەۆا 6:3 ەسەبىمەن باسىمدىلىق كورسەتتى. ەكىنشىسىندە قارسىلاسى ەسە قايتاردى - 6:4. ءۇشىنشى, شەشۋشى پارتيادا يۋليا پۋتينتسەۆا گاسانوۆانى تاس-تالقان ەتتى - 6:0.
ەكى ساعاتتان استام ۋاقىتقا سوزىلعان ماتچتا پۋتينتسەۆا 2 ەيس جاساپ, 18 برەيك-پوينتتىڭ سەگىزىن پايدالانا ءبىلدى. قارسىلاسى 1 ەيس, 4 برەيكتەن اسا المادى.
پۋتينتسەۆا فينالعا شىعۋ ءۇشىن الەمنىڭ 80-راكەتكاسى, تاعى ءبىر رەسەيلىك اناستاسيا پوتاپوۆا نەمەسە ودان التى ساتىعا تومەن تۇرعان شۆەتسيالىق رەبەككا پەتەرسوننىڭ بىرەۋىمەن تالاسادى.