تاجىكستان مەن اۋعانستان شەكاراسىنا قارۋلى كۇشتەرىن تارتا باستادى

بۇل تۋرالى رەسەيدىڭ سىرتقى ىستەر مينيسترلىگى حابارلادى. اتاپ ايتقاندا, تاجىكستانمەن شەكارالاس تاحار شەكاراسىنا ارنايى بولىمشەلەردىڭ ونداعان مىڭ ساربازدارى تارتىلعانى ايتىلدى. دەپارتامەنت دۋشانبە مەن كابۋلعا جاعدايدى رەتتەۋدىڭ بەيبىت جولىن تابۋعا شاقىردى.

«ەكى ەل باسشىلارىنىڭ ءوزارا قاتاڭ مالىمدەمەلەرى اياسىندا تاجىك-اۋعان قاتىناستارىنداعى شيەلەنىستىڭ ارتقانىن الاڭداۋشىلىقپەن كورىپ وتىرمىز. ەكى تاراپ قارۋلى كۇشتەرىن ورتاق شەكارادا ورنالاستىرعاندىعى تۋرالى حابار پايدا بولدى. تالىپتەردىڭ ايتۋىنشا, اۋعانستاننىڭ شەكارالاس سولتۇستىك تاحار پروۆينتسياسىندا ونداعان مىڭ ارنايى قارۋلى كۇشتەردىڭ بولىمشەلەرى ورنالاستىرىلعان», دەدى رەسەي ءسىم رەسمي وكىلى الەكسەي زايتسەۆ.

زايتسەۆ كابۋل مەن دۋشانبە ءبىر-بىرىنە قارسى مالىمدەمەلەر جاساپ جاتقانىن مالىمدەدى. مىسالى, تاجىكستان پرەزيدەنتى ەمومالي راحمون «تاليبان» ۇكىمەتىن تانۋدان باس تارتىپ (جوعارعى سوتتىڭ شەشىمى بويىنشا بۇل قوزعالىس قازاقستاندا تىيىم سالىنعان), ولاردى ادام قۇقىعىن بۇزدى دەپ ايىپتادى. ال «تاليبان» باسشىلىعى تاجىكستاننىڭ اۋعانستاننىڭ ىشكى ىسىنە ارالاسپاۋىن تالاپ ەتتى.