شىمكەنت قۇرمەتتى ازاماتتارىن دارىپتەۋدە

تسيكلدىڭ ماقساتى – كەڭەستىك كەزەڭنەن باستاپ تاۋەلسىزدىك جىلدارى اراسىنداعى شىمكەنت قالاسىنىڭ قۇرمەتتى ازاماتى اتانعان, قالانىڭ دامۋىنا تۇلعا رەتىندە ادامگەرشىلىگى, ەڭبەك جولىمەن ەڭبەگى سىڭگەن تاريحتاعى ەجەلگى جانە جاڭا ەسىمدەردى بۇگىنگى ۇرپاققا ناسيحاتتاۋ.

وسى ورايدا گەلمينتولوگيا عىلىمىن دامىتۋعا سىڭىرگەن ەڭبەگى ءۇشىن جانە تۋعانىنا 90 جىل تولۋىنا بايلانىستى قازاق سسر ەڭبەكشى دەپۋتاتتارى شىمكەنت قالالىق سوۆەتى اتقارۋ كوميتەتىنىڭ 1968 جىلعى 29 قازانىنداعى №412 شەشىمىمەن «شىمكەنت قالاسىنىڭ قۇرمەتتى ازاماتى» اتاعىنا يە بولعان كونستانتين يۆان ۇلى سكريابين ەسىمىن ۇسىنامىز.

سكريابين كونستانتين يۆان ۇلى 1878 جىلى 7 جەلتوقساندا پەتەربۋرگ (لەنينگراد, سانكت-پەتەربۋرگ) قالاسىندا تۋىپ, 1972 جىلى 17 قازاندا ماسكەۋ قالاسىندا قايتىس بولعان. ۇلتى ورىس. 1905 جىلى ەستونيانىڭ قازىرگى تارتۋ قالاسىنداعى مال دارىگەرلىك ينستيتۋتىن بىتىرگەن.

ك.ي.سكريابين گەلمينتتەردىڭ مورفولوگيا, بيولوگيا, فيلوگەنيا, جۇيەلەنىم, ەكولوگيا, ەپيزووتولوگيا جانە ەپيدەميولوگياسىن زەرتتەگەن. ول گەلمينتتەردىڭ 200-دەن استام عىلىمعا بەيمالىم جاڭا ءتۇرىن اشىپ, ولارعا عىلىمي سيپاتتاما بەرگەن. گەلمينتولوگيالىق تولىق زەرتتەۋ ءادىسىن ۇسىنىپ, عىلىمعا گەلمينتتەردىڭ رەزەرۆۋارلى قوسىمشا يەلەرى تۋرالى ۇعىم ەنگىزگەن, دەگەلمينتيزاتسيا پرينتسيپتەرىن پايىمداعان, گەلمينتتەردى تولىق جويۋ (دەۆاستاتسيا) تەورياسىنىڭ نەگىزىن سالعان.