21-25 قىركۇيەك ارالىعىندا شىمكەنت قالاسىندا تىرەك-قيمىل اپپاراتى زاقىمدانعان جانە كورۋ قابىلەتى ناشار سپورتشىلار اراسىندا قر VI سپارتاكياداسى اياسىندا پاراليمپيادالىق ەمەس سپورت تۇرلەرىنەن جارىس ءوتتى, دەپ جازادى Egemen.kz.
«پاراليمپيادالىق ەمەس سپورت تۇرلەرىنە دويبى «64» (كورۋ قابىلەتۋ ناشار), دويبى «100» (كورۋ قابىلەتى تومەن), شاحمات (تىرەك قيمىل اپپاراتى زاقىمدانعان جانە كورۋ قابىلەتى تومەن), اربامەن بيلەۋ (تىرەك قيمىل اپپاراتى زاقىمدانعان), كاراتە (كورۋ جانە تىرەك قيمىل اپپاراتى زاقىمدانعان) جاتادى», دەپ جازادى مادەنيەت جانە سپورت مينيسترلىگىنىڭ ءباسپاسوز قىزمەتى.
دويبى, شاحمات, توعىزقۇمالاق باسەكەسى «كورمە» ورتالىعىندا, كاراتە جەكپە-جەكتەرى جوعارى سپورت شەبەرلىگى مەكتەبىندە, اربادا بيلەۋ جارىسى «تۇركىستان سارايى» مادەنيەت ۇيىندە ءوتتى.
سپارتاكياداعا قازاقستاننىڭ 17 وڭىرىنەن كەلگەن 341 سپورتشى قاتىستى. ونىڭ ىشىندە «دويبى -100» بويىنشا – 35 سپورتشى, «دويبى -64» بويىنشا - 47 سپورتشى, «شاحمات» بويىنشا – 84, «توعىزقۇمالاق» بويىنشا - 86, «اربامەن بيلەۋ» بويىنشا-74, «كاراتە» بويىنشا-15 سپورتشى كەلدى.