قر يندۋستريا جانە ينفراقۇرىلىمدىق دامۋ ۆيتسە-ءمينيسترى مارات قاراباەۆ تۇرعىن ءۇي باعاسىنىڭ جىل سوڭىنا دەيىن 30 پايىز قىمباتتايتىنى تۋرالى بولجامعا قاتىستى پىكىر ءبىلدىردى, دەپ حابارلايدى Egemen.kz.
ء«بىزدىڭ باعالاۋىمىز بويىنشا, جىل باسىندا بىلتىرعىمەن سالىستىرعاندا باسپانا باعاسى 13-15 پايىز ءوستى. بىراق وعان ءۇش نەگىزگى فاكتور اسەر ەتتى. بىرىنشىدەن, پاندەميا كەزىندەگى توقتاۋلاردىڭ كەيىنگە قالعان سۇرانىسى قوسىلدى. ەكىنشىدەن, پاندەمياعا بايلانىستى لوگيستيكالىق پروبلەمالار بولدى. قۇرىلىس ماتەريالدارىنىڭ شەتەلدەن تاسىمالى كەشەۋىلدەدى. ۇشىنشىدەن, ەڭ ۇلكەن فاكتور زەينەتاقى قورىنان بولىنگەن قارجى بولدى. وسى ۋاقىتقا دەيىن 1,5 ترلن تەڭگەگە تۇرعىن ءۇي ساتىپ الۋ مۇمكىندىگى بولدى. وسى ءۇش فاكتور اسەرىنەن تۇرعىن ءۇي باعاسى 13-15 پايىز كوتەرىلدى. ال قازىر ونداي فاكتورلار مەن بولجامدار كۇتىلىپ وتىرعان جوق. سوندىقتان, 30 پايىزدىق قىمباتتاۋ بولجامى نەگىزسىز دەپ ويلايمىن», دەدى ۆيتسە-مينيستر.
ونىڭ ايتۋىنشا, الداعى 4 جىلدىڭ ىشىندە تۇرعىن ءۇي سالۋعا قاجەتتى ماتەريالدىڭ ءبارى قازاقستاندا وندىرىلمەك.
«مۇنى ەندى ناقتى وندىرىلەتىن قۇرىلىس ماتەريالدارىمەن بايلانىستىرساق, وزىمىزدە شىعارىلاتىن ماتەريالداردىڭ باعاسى تۇراقتى بولىپ جاتىر. كەي جەرلەر جىل باسىنداعى, ورتاسىنداعى باعانى تومەندەتتى. ىشكى نارىقتىڭ 60 پايىزى وتاندىق قۇرىلىس ماتەريالدارىمەن قامتاماسىز ەتىلگەن. لينولەۋم, تۇسقاعازدار, كرەاميكالىق تاقتا, سانفايانس سياقتى يمپورتتىق تاۋارلار بار. الداعى 3-4 جىلدا ول تاۋارلار تولىق وزىمىزدە وندىرىلەدى», دەگەن مارات قاراباەۆ كرەمايكا تاقتاسىن شىعاراتىن 2 زاۋىت سالىنىپ جاتقانىن اتادى.
«مىسالى, كەراميكا تاقتالارىن شىعاراتىن ءبىر عانا زاۋىتىمىز بولدى. وسى ۋاقىتقا دەيىن شىمكەنتتەگى زاۋىت جىلىنا 2 ملن شارشى مەتر شىعارىپ كەلدى. كۇنى كەشە اقتوبە وبلىسىندا 5 ملن شارشى مەتر شىعاراتىن جاڭا زاۋىت ىسكە قوسىلدى. نۇر-سۇلتان قالاسىندا 12 ملن شارشى مەتر ءونىم شىعاراتىن زاۋىت سالىنىپ جاتىر. اقتوبە قالاسىندا تاعى ءبىر 5 ملن شارشى مەتر ءونىم شىعاراتىن زاۋىت سالۋ جوسپارلانعان. ولار تەك ىشكى نارىقتى قامتاماسىز ەتىپ قويماي, ەكسپورتقا دا شىعارادى. قازىردىڭ وزىندە كەراميكا تاقتالارى ەكسپورتقا شىعارىلىپ جاتىر», دەدى ءمينيستردىڭ ورىنباسارى.