وكق الاڭىندا وتكەن بريفينگتە ەحاقم الەۋمەتتىك قىزمەتتەر ساياساتىن دامىتۋ دەپارتامەنتىنىڭ ديرەكتورى البينا بورانبايقىزى الەۋمەتتىك قىزمەتكەرلەردىڭ جالاقىسى وسەتىنىن ايتتى, دەپ جازادى Egemen.kz.
«كاسىبي كادرلاردى قالىپتاستىرۋ جانە ولاردىڭ ەڭبەگىنە لايىقتى اقى تولەۋ ارقىلى حالىقتىڭ ءالجۋاز توپتارىنا ۇسىنىلاتىن قىزمەتتەردىڭ ساپاسىن قامتاماسىز ەتۋ ماڭىزدى. الەۋمەتتىك قىزمەتكەرلەر كاسىبىنىڭ بەدەلىن ارتتىرۋ جانە ولاردىڭ مارتەبەسىن تانۋ ماقساتىندا مينيسترلىك الەۋمەتتىك قورعاۋ ۇيىمدارىندا جۇمىس ىستەيتىن باسقارۋشى جانە نەگىزگى پەرسونالداردىڭ جالاقىسىن كەزەڭ-كەزەڭىمەن ارتتىرىپ جاتىر», دەپ ايتتى البينا بورانبايقىزى.
سونداي-اق اكىمشىلىك, قوسالقى پەرسونال قىزمەتكەرلەرىنىڭ, ستاتسيونار جانە جارتىلاي ستاتسيونار, ۇيدە قىزمەت كورسەتۋ, ۋاقىتشا بولۋ ۇيىمدارىندا جۇمىس ىستەيتىن قىزمەتكەرلەردىڭ جالاقىسى قولدانىستاعى بازالىق لاۋازىمدىق ايلىقاقىنىڭ 30%-ىن لاۋازىمدىق ايلىقاقىنىڭ 40%-ىنا وزگەرتۋ ارقىلى ارتتىرىلدى.
«مىسالى, جوعارى ءبىلىمدى, ەكىنشى ساناتتاعى 5-7 جىل ەڭبەك ءوتىلى بار الەۋمەتتىك قىزمەتكەردىڭ جالاقىسى 2020 جىلى 128 300 تەڭگەنى قۇراسى, بيىل 189 000 تەڭگەگە دەيىن ءوستى. 2022 جىلى 219 000 تەڭگەنى, ال 2023 جىلى 250 000 تەڭگەگە دەيىن ءوسىپ, ەكى ەسەگە دەيىن ۇلعايادى», دەدى مامان.