ءۇندىستاندا فەرمەرلەرگە قاتىستى زاڭ قابىلدانعانىنا ءبىر جىل تولعاندا ولار بۇكىلحالىقتىق ەرەۋىل ۇيىمداستىرىپ, كاسىپوداقتار نارازىلىق ءبىلدىرىپ, جول مەن تەمىرجولدى جاۋىپ تاستاپ, زاڭنىڭ كۇشىن جويۋدى تالاپ ەتىپ وتىر.
10 اي ىشىندە ونداعان مىڭ فەرمەر پرەمەر-مينيستر نارەندرا ءموديدىڭ ۇكىمەتىنە قارسى ەڭ ۇزاق نارازىلىق ۇيىمداستىرىپ, ەل استاناسىنىڭ, نيۋ-دەليدىڭ اينالاسىنداعى نەگىزگى ماگيسترالدارعا قونىستانىپ العان. وتكەن جىلدىڭ قىركۇيەگىندە ەنگىزىلگەن زاڭ اۋىلشارۋاشىلىق سەكتورىن رەتتەۋگە تىرىسپايدى. ول فەرمەرلەرگە ءوز ءونىمىن ۇكىمەت رەتتەيتىن ارنايى كوتەرمە ساۋدا بازارلارىنان تىس ساتۋعا مۇمكىندىك بەرەدى, ال وندا وندىرۋشىلەر ەڭ تومەنگى باعاعا ساتادى. شاعىن شارۋاشىلىقپەن اينالىساتىن تۇرعىندار بۇل وزگەرىستەر ولاردى ءىرى بيزنەستىڭ الدىندا باسەكەگە وسال ەتەتىنىنە سەنىمدى. سايىپ كەلگەندە, بيداي مەن كۇرىش سياقتى نەگىزگى ازىق-ت ۇلىك باعاسىن قولداۋدى جوعالتىپ الۋدان قورقادى.
ال ۇكىمەت رەفورمالار فەرمەرلەر ءۇشىن جاڭا مۇمكىندىكتەر اشىپ, ءتيىمدى باعالار ۇسىنادى دەيدى. 10 ايدان بەرى فەرمەرلەر نيۋ-دەليدىڭ شەتىندەگى نەگىزگى ماگيسترالداردا لاگەرلەر قۇرىپ جاتىر, ال حاريانا شتاتىنا اپاراتىن سينگحۋ شەكاراسى نارازىلىقتىڭ ەپيتسەنترىنە اينالعان.