ىشكى ىستەر ءمينيسترى اقش-تىڭ قازاقستان رەسپۋبليكاسىنداعى وكىلەتتى ەلشىسى ۋيليام موزەرمەن كەزدەستى, دەپ حابارلايدى Egemen.kz.
تاراپتار مامانداردى دايارلاۋ سالاسىنداعى ءوزارا ءىس-قيمىلدىڭ جوعارى دەڭگەيىن اتاپ ءوتتى. جاڭا قاۋىپ-قاتەرلەرگە, ينتەرنەت-الاياقتىققا جانە ەسىرتكىنىڭ زاڭسىز اينالىمىنا قارسى ءىس-قيمىلداعى ىنتىماقتاستىق ماسەلەلەرى تالقىلاندى. سونىمەن قاتار, ۆەدومستۆو باسشىسى امەريكالىق تاراپقا ىشكى ىستەر ورگاندارىن رەفورمالاۋ سالاسىندا قابىلدانىپ جاتقان شارالار, سونىڭ ىشىندە پەنيتەنتسيارلىق جۇيەنى جاڭعىرتۋ تۋرالى ايتىپ بەردى.ۋيليام موزەر قازاقستان ءىىم-ءنىڭ ادام ساۋداسىنا قارسى كۇرەس جانە ادام قۇقىقتارىن ساقتاۋ سالاسىنداعى وڭ جەتىستىكتەرىن اتاپ ءوتتى. سونداي-اق, تاراپتار ەسىرتكىنى باقىلاۋ جانە قۇقىقتىق ءتارتىپتى قامتاماسىز ەتۋ سالاسىنداعى ءوزارا تۇسىنىستىك تۋرالى ۇكىمەتارالىق مەموراندۋمدى ىسكە اسىرۋدىڭ قورىتىندىلارىن شىعاردى. كەزدەسۋدە مەموراندۋمنىڭ قوسىمشا حاتتاماسىنا قول قويىلدى, وندا كيبەرقىلمىسپەن, ەسىرتكى بيزنەسىمەن جانە الاياقتىقپەن كۇرەس سالاسىنداعى ءوزارا ءىس-قيمىلدى كەڭەيتۋ كوزدەلگەن. كەزدەسۋ سوڭىندا تاراپتار قىلمىسقا قارسى كۇرەس سالاسىنداعى جەمىستى ىنتىماقتاستىقتى ودان ءارى دامىتۋعا سەنىم ءبىلدىردى.