رەجەپ تايىپ ەردوعان سۇحبات بارىسىندا تۇركيانىڭ كابۋل اۋەجايىنىڭ جۇمىسىن قامتاماسىز ەتۋدە تاليبانمەن ىنتىماقتاستىقتان نەگە باس تارتقانىن ءتۇسىندىردى, دەپ حابارلايدى Egemen.kz.
ەردوعان تاليبان مەن ولاردىڭ ۋاقىتشا ۇكىمەتىنىڭ قازىرگى كوزقاراسى ينكليۋزيۆتى ەمەس ەكەنىن ءتۇسىندىردى, بىراق ولار نەعۇرلىم ينكليۋزيۆتى ۇكىمەت قۇرسا, انكارا ولارمەن ىنتىماقتاسۋعا دايىن ەكەنىن ايتتى.
«قازىر تاليبانمەن ارادا كەلىسىمگە كەلگەن, كونسەنسۋسقا قول جەتكىزگەن بىردە-ءبىر ماسەلە جوق. تاليبان قازىر كاتارمەن بىرگە, ءبىز اسكەر شىعاردىق, بەيبىت تۇرعىندارىمىز ەۆاكۋاتسيالاندى. سوندىقتان بۇل تۋرالى ايتۋدىڭ قاجەتى جوق. ويتكەنى قازىر ءبىزدىڭ بۇل جەرگە قاتىسىمىز جوق جانە تاليبانمەن ىنتىماقتاستىق تۋرالى كەلىسىم جوق», دەدى پرەزيدەنت.
ەردوعاننىڭ ايتۋىنشا, تۇركيا مەن اۋعانستاندى تاريحي قاتىناستار بايلانىستىرادى, انكارا كابۋلدى ارقاشان قولدايدى, بىراق «جىبەرىلگەن قاتەلىكتەرگە» بايلانىستى تۇرىك اسكەرى مەن ازاماتتارى ەلدەن ەۆاكۋاتسيالاندى.
«مەنىڭ كەلەسى ءسوزىم اشىق جانە تۇسىنىكتى بولۋ كەرەك, ءبىزدىڭ اۋعان حالقىمەن تاريحي قارىم-قاتىناس جاعىنان بايلانىسىمىز بار, ءبىز اۋعانستاندى ارقاشان قولدايتىنبىز. ءبىز بولاشاقتا جالعاستىراتىن ءىرى ينۆەستيتسيالارعا قاتىسامىز. بىراق قاتەلىكتەرگە بايلانىستى ءوز اسكەرىمىزدى شىعارىپ, بەيبىت تۇرعىنداردى ەۆاكۋاتسيالاۋعا ءماجبۇر بولدىق. ءبىز قازىر اۋعانستاندا جوقپىز», دەدى ەردوعان.
جۇرگىزۋشى مارگارەت برەننان ەردوعانعا تۇركيا تەك ۇلدارعا مەكتەپكە بارۋعا رۇقسات بەرەتىن جانە ايەلدەرگە مەملەكەتتىك قىزمەت اتقارۋعا تىيىم سالاتىن ۇكىمەتپەن قارىم-قاتىناس جاساي ما دەگەن سۇراق قويدى. ەردوعان تۇركيانىڭ ايەلدەر ماسەلەسىنە كەلگەندە, كوزقاراسى جاقسى دەپ جاۋاپ بەردى.
«ايەلدەر بارلىق جەردە, ءبىلىم بەرۋدە, دەنساۋلىق ساقتاۋدا, سوت جۇيەسىندە قىزمەت ەتەدى. ەگەر ءبىزدىڭ ەلدە وسىنداي جاعداي بولسا, نەگە ءبىز اۋعانستاندا ۇستانىمىمىزدى وزگەرتۋىمىز كەرەك؟ ءبىزدىڭ كوزقاراسىمىز اۋعانستانعا دا قاتىستى. ەگەر ولار كەلىسسە, ءبىز تاليباندارمەن بيزنەس جاساي الامىز, ال ەگەر ولاي بولماسا, ءبىز ولارمەن بيزنەس جۇرگىزبەيمىز», دەدى تۇركيا پرەزيدەنتى.
بۇعان دەيىن ەردوعان تۇركيانىڭ اۋعانستانداعى بەيبىتشىلىك پەن وسى ەلدە تۇراتىن قانداستارىنىڭ ءال-اۋقاتى, سونداي-اق ءوز مۇددەلەرىن قورعاۋ جولىنداعى ىنتىماقتاستىقتىڭ كەز كەلگەن تۇرىنە دايىن ەكەنىن ايتقان بولاتىن.