تاڭەرتەڭ شاڭدى داۋىل قالانىڭ كوپتەگەن اۋدانىن قامتىدى. جەل شاڭ مەن قۇمدى اۋاعا كوتەردى, دەپ جازادى Egemen.kz.
سينوپتيكتەر شاڭدى داۋىلدىڭ جازدا جانە كۇزدە ءجيى بولاتىنىن اتاپ ءوتتى. سونىمەن قاتار مەتەورولوگتاردىڭ اقپاراتى بويىنشا, تاڭەرتەڭ الماتى وبلىسىندا جەل كۇشەيدى.
«27 قىركۇيەكتە تاڭەرتەڭ جانە تۇستەن كەيىن الماتى وبلىسىنىڭ سولتۇستىگى مەن سولتۇستىك-شىعىسىندا سولتۇستىك-شىعىستان جەل كۇتىلەدى, ەكپىنى 17-22 م/س دەيىن جەتەدى. تالدىقورعاندا دا كۇندىز سولتۇستىك-شىعىستان جەل كۇشەيىپ, ەكپىنى 17-22 م/س بولادى», دەپ حابارلادى قازگيدرومەت.
بۇعان دەيىن حابارلانعانىنداي, جاقىن كۇندەرى قازاقستان اۋماعىنىڭ كوپ بولىگى تسيكلوننىڭ اسەرىندە بولادى. سولتۇستىكتە, سولتۇستىك-باتىستا, ورتالىقتا جانە شىعىستا جاۋىن-شاشىن (جاڭبىر, قار), وڭتۇستىكتە, وڭتۇستىك-شىعىستا نايزاعايمەن جاڭبىر كۇتىلەدى. ەلدىڭ باتىسىندا, سولتۇستىگىندە, ورتالىعىندا جانە شىعىسىندا تۇمان تۇسەدى, جەل كۇشەيەدى, سولتۇستىك جارتىسىندا كوكتايعاق بولادى.