كەشە جوعارعى سوتتىڭ قىلمىستىق ىستەر جونىندەگى قاداعالاۋ القاسى ءومىر بويى باس بوستاندىعىنان ايىرۋعا سوتتالعان ۆلاديسلاۆ چەلاحتىڭ ءوتىنىشىن قارادى.
اتالعان ءوتىنىش ءومىر بويى باس بوستاندىعىنان ايىرۋعا سوتتالعان ادامنىڭ ءوتىنىشى رەتىندە قىلمىستىق ءىس جۇرگىزۋ كودەكسىنىڭ 459-بابى 2-بولىگىنىڭ تالاپتارىنا سايكەس سوت قاداعالاۋى تارتىبىمەن قارالدى.
سوت وتىرىسىندا بارلىق قاتىسۋشىلاردىڭ سوزدەرى تىڭدالدى, قورعاۋشى تاراپتاردىڭ دالەلدەمەلەرى مۇقيات زەرتتەلىپ, وعان ءتيىستى باعا بەرىلدى.
قىلمىستىق ءىستىڭ ماتەريالدارىن تالداۋ جانە زەرتتەۋ ناتيجەسى بويىنشا, قولدا بار دالەلدەمەلەر, وعان قاتىستى شىعارىلعان سوت اكتىلەرى نەگىزدى جانە زاڭدى دەپ تانىلىپ, ۆ.چەلاحتىڭ سوت اكتىلەرىن قايتا قاراۋ تۋرالى ءوتىنىشى قاناعاتتاندىرۋسىز قالدىرىلدى, دەپ حابارلادى جوعارعى سوتتىڭ ءباسپاسوز قىزمەتى.