ورالدا ءسابيىن ساتقان انا ۇستالدى, دەپ حابارلايدى Egemen.kz «حابار 24» ارناسىنا سىلتەمە جاساپ.
ارنا ۇسىنعان مالىمەت بويىنشا, مامىلەنى 28 جاستاعى اۋىل تۇرعىنى جاساعان.
ول بالاسىن ءبورلى اۋدانىنىڭ ەكى تۇرعىنىنا ساتقان.
تەرگەۋ مۇددەسى ءۇشىن باسقا مالىمەتتەر جاريا ەتىلمەگەن.
«اتالعان فاكتىگە قاتىستى قر قك-ءنىڭ 135-بابى 1-بولىگى «كامەلەتكە تولماعاندار ساۋداسى» بويىنشا سوتقا دەيىنگى تەرگەۋ باستالدى. وسى باپ بويىنشا ايىپتالۋشى 5 جىلدان 9 جىلعا دەيىن باس بوستاندىعىنان ايىرىلۋى مۇمكىن», دەدى بقو پد جەرگىلىكتى پوليتسيا قىزمەتى باسقارماسىنىڭ اعا ينسپەكتورى ديليارا ساتاروۆا.