ۇلىبريتانيا مەن وڭتۇستىك كورەيا ۇكىمەتتەرى كوروناۆيرۋسقا قارسى 1 ميلليوننان استام ۆاكتسينانى الماستىرۋعا كەلىستى, دەپ حابارلايدى Egemen.kz.
ۇلىبريتانيا الداعى اپتالاردا كورەياعا Pfizer ۆاكتسيناسىنىڭ ءبىرىنشى پارتياسىن جىبەرەدى. ال ەكىنشى اتالعان ەل جىل سوڭىنا دەيىن سول كولەمدە ۆاكتسينا قايتارادى.
بۇل ۆاكتسينا ۇلىبريتانيا ءۇشىن ازىرگە اسا قاجەت ەمەس. بىراق ولاردى وڭتۇستىك كورەيادا تەزىرەك قولدانۋعا بولادى.
ء«بىز وڭتۇستىك كورەياداعى دوستارىمىزبەن تىعىز جۇمىس جاسايمىز جانە بۇل الماسۋ ۇلىبريتانيانىڭ ۆاكتسيناتسيالاۋ باعدارلاماسىنا اسەر ەتپەيدى», دەدى ۇلىبريتانيانىڭ دەنساۋلىق ساقتاۋ ءمينيسترى سادجيد دجاۆيد.
ۇلىبريتانيا ۇكىمەتى كوروناۆيرۋسقا بايلانىستى جاعداي ۋشىعىپ كەتكەن جاعدايدا, دالىرەك ايتساق, ەگەر اۋرۋعا شالدىعۋ قىس مەزگىلىنە دەيىن تومەندەمەسە «ۆ جوسپارىنا» كوشەدى.
«ۆ جوسپارىنا» سايكەس مىندەتتى ماسكا رەجيمىن ەنگىزۋ, ۆاكتسيناتسيا پاسپورتتارىن تەكسەرۋ, سونداي-اق قاشىقتان جۇمىس رەجىمىن قالپىنا كەلتىرۋ قاراستىرىلادى.