قر مەملەكەتتىك حاتشىسى قىرىمبەك كوشەرباەۆ قر پرەزيدەنتى قاسىم-جومارت توقاەۆتىڭ تمد-عا قاتىسۋشى مەملەكەتتەر باس پروكۋرورلارىنىڭ ۇيلەستىرۋ كەڭەسىنىڭ وتىرىسىنا قاتىسۋشىلارعا ۇندەۋىن جاريالادى, دەپ حابارلايدى Egemen.kz.
«تمد ەلدەرى باس پروكۋرورلارىنىڭ ۇيلەستىرۋ كەڭەسى ادام قۇقىقتارىن قورعاۋ سالاسىنداعى ۇزدىك الەمدىك پراكتيكالاردى زەردەلەۋ جانە يمپلەمەنتاتسيالاۋ ءۇشىن ماڭىزدى الاڭ بولىپ تابىلادى. ءوزارا ءىس-قيمىلدىڭ مۇنداي فورماتى - قۇقىقتىق سالاداعى ءتيىمدى حالىقارالىق ىنتىماقتاستىقتىڭ مىسالى. تمد كەڭىستىگىندە زاڭدىلىق پەن قۇقىقتىق ءتارتىپتى قامتاماسىز ەتۋ ءۇشىن ورتاق كۇش-جىگەر بارعان سايىن سۇرانىسقا يە بولۋدا», دەلىنگەن قاسىم-جومارت توقاەۆتىڭ ۇندەۋىندە.
پرەزيدەنتتىڭ ايتۋىنشا, مۇنداي جاعدايدا ۇيلەستىرۋ كەڭەسى ارىپتەستىكتى كەڭەيتۋگە جانە وڭىردەگى تۇراقتىلىقتى نىعايتۋعا قوماقتى ۇلەس قوسادى.
«پروكۋراتۋرا قىزمەتى بارلىق قۇقىق قورعاۋ جۇيەسىنىڭ تيىمدىلىگىندە, قۇقىق ۇستەمدىگىن قامتاماسىز ەتۋدە جانە زاڭ الدىنداعى تەڭدىكتە باستى ءرول اتقارادى. قازاقستان تمد ەلدەرىنىڭ قاداعالاۋشى ورگاندارىنىڭ كوپجىلدىق ىنتىماقتاستىعىن جوعارى باعالايدى. بۇگىن وسى سالاداعى وزەكتى ساۋالنامالار جەمىستى تالقىلانىپ, بىرلەسكەن جۇمىستىڭ جاڭا باسىمدىقتارى بەلگىلەنەتىنىنە سەنىمدىمىن. وتىرىسقا قاتىسۋشىلارعا تابىس جانە العا قويىلعان بارلىق مىندەتتەردى ىسكە اسىرۋدى تىلەيمىن», دەپ تۇيىندەدى مەملەكەت باسشىسى.