قازاقستاندا اياق كيىم قىمباتتادى

زەرتتەۋشىلەر اتاپ وتكەندەي, بالالارعا ارنالعان اياق كيىمىنىڭ باعاسى شامامەن 9%-عا ءوستى.

«اعىمداعى جىلى ەرلەرگە ارنالعان اياق كيىم 6,5%-عا, ايەلدەرگە ارنالعان اياق كيىم 5,2%-عا قىمباتتادى. بالالار اياق كيىمىنىڭ باعاسى 8,5%-عا ءوستى», - دەلىنگەن حابارلامادا.

ساۋالناماعا سايكەس, ەكى جۇپ قىسقى جانە جازعى اياق كيىمگە قول جەتكىزە المايتىن قازاقستاندىقتاردىڭ ۇلەسى 15,3%-دى قۇرادى. ال توزعان اياق كيىم مەن كيىمدى اۋىستىرا المايتىن قازاقستاندىقتاردىڭ ۇلەسى 4,7%-دان 5%-عا دەيىن ءوستى.

ءار ءتۇرلى جاس توپتارىنىڭ اراسىندا 39-دان 48 جاسقا دەيىنگى (17,4%), ەڭ از دەگەندە 18-دەن 28 جاسقا دەيىنگى قازاقستاندىقتار, سونداي-اق زەينەتكەرلەر (14,7%-دان) قىسقى جانە جازعى اياق كيىمنىڭ ەكى جۇبىن ساتىپ الا المايتىندىعى تۋرالى ءجيى ايتىلعان.

سونىمەن قاتار, قازاقستان قالالارىندا ەرلەرگە ارنالعان اياق كيىمدى جوندەۋدىڭ ورتاشا قۇنى تامىزدا 1393 تەڭگە بولسا, ال ايەلدەر ءۇشىن 1113 تەڭگەنى قۇرادى. قىزىلوردادا ەرلەرگە - 1000 تگ, ايەلدەرگە - 891 تگ, سونداي-اق قاراعاندىدا ەرلەرگە - 1049 تگ, ايەلدەرگە - 923 تگ اياق كيىمدى قالپىنا كەلتىرۋ ارزانعا تۇسەدى.

ەرلەر اياق كيىمىن جوندەۋ نۇر-سۇلتان (1987 تگ) جانە اتىراۋ (1817 تگ) تۇرعىندارىنا, ال ايەلدەر اياق كيىمىن اقتاۋ (1516 تگ) جانە اتىراۋ (1445 تگ) تۇرعىندارىنا قىمباتقا تۇسەدى.

قازاقستاندا اياق كيىم ءوندىرىسى وتكەن جىلمەن سالىستىرعاندا ارتىپ, اعىمداعى جىلدىڭ قاڭتار-تامىز ايلارىندا 913,2 مىڭ جۇپ (+19,7%) بىلعارى جانە 34,3 مىڭ جۇپ (+20,8%) كيىز اياق كيىمدى قۇرادى.