ەلوردادا تۇران داڭعىلىنىڭ بويىنداعى عيماراتتاردىڭ بىرىنەن ءورت شىقتى, دەپ حابارلايدى Egemen.kz نۇر-سۇلتان قالالىق توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساپ.
«بۇگىن ساعات 18:33-تە نۇر-سۇلتان قالاسىنىڭ توتەنشە جاعدايلار دەپارتامەنتىنىڭ ءورت ءسوندىرۋ بولىمشەلەرى تۇران داڭعىلى 37/10 مەكەنجايىندا بولعان ءورت ورنىنا جەكە قۇرامنان 44 ادام مەن 11 تەحنيكا جىبەردى. الدىن الا اقپارات بويىنشا عيماراتتىڭ شاتىرى مەن قاپتاۋى جانۋدا. ءورت سوندىرۋشىلەر شاقىرتۋ ورنىنا 5 مينۋتتا جەتتى. قازىرگى ۋاقىتتا بارلاۋ جۇمىستارى جۇرگىزىلۋدە», دەلىنگەن ءباسپاسوز قىزمەتىنىڭ حابارلاماسىندا.
سوڭعى مالىمەتتەرگە سايكەس, ءورت ساعات 19:10-دا تولىعىمەن اۋىزدىقتالدى. ءورت شامامەن 60 شارشى مەتردى شارپىعان. قازا بولعاندار مەن زارداپ شەككەندەر جوق.