بۇل تۋرالى US News باسىلىمى مالىمدەدى, دەپ جازادى Egemen.kz.
دجونس حوپكينس ۋنيۆەرسيتەتى مالىمەتى بويىنشا, اقش-تا COVID-19-دان قايتىس بولعاندار سانى 676 075-كە جەتكەن.
يسپان تۇماۋى بۇرىن امەريكا قۇراما شتاتتارىنداعى ەڭ قاۋىپتى اۋرۋ سانالعان. اۋرۋدى باقىلاۋ جانە الدىن الۋ ورتالىعىنىڭ مالىمەتى بويىنشا, 1918 جىلعى پاندەميا كەزىندە 675 مىڭ امەريكالىق قايتىس بولعان, اۋرۋ تولقىنى شامامەن ەكى جىلعا سوزىلعان.قازىرگى ۋاقىتتا اقش-تا كوروناۆيرۋسپەن بايلانىستى ءولىم-ءجىتىم الەمدە تىركەلگەن 4,7 ميلليونعا جۋىق ءولىمنىڭ شامامەن 19 پايىزى بولدى. ەل حالقى الەم حالقىنىڭ شامامەن 4,2 پايىزىن قۇرايتىنىن ەسكەرسەك, بۇل ۇلكەن كورسەتكىش.
«مەنىڭ ويىمشا, بۇكىل الەم امەريكا پاندەميانىڭ العاشقى ساتىسىندا دۇرىس جۇمىس جاساماعانىن بىلەدى», دەدى ۇلتتىق اللەرگيا جانە جۇقپالى اۋرۋلار ينستيتۋتىنىڭ مەديتسينا تاريحشىسى دەۆيد مورەنس.
بۇعان دەيىن دۇنيەجۇزىلىك دەنساۋلىق ساقتاۋ ۇيىمى اقش-تا كوروناۆيرۋس جۇقتىرعاندار سانى 28 ميلليوننان اسقانىن جانە COVID-19 قۇرباندارىنىڭ سانى ءۇش سوعىستاعى شىعىنداردان اسىپ تۇسكەنىن ءمالىم ەتكەن. وسىعان بايلانىستى اقپاننىڭ اياعىندا بايدەن كوروناۆيرۋستان قايتىس بولعان امەريكالىقتارعا بەس كۇندىك ازا تۇتۋ جاريالادى.