كاسىپكەرلەردەن پارا العاندار اشكەرەلەندى

اتالعان لاۋازىمدى تۇلعا­لار وڭىردەگى جالپى قامقور­لىق پەن كەدەرگىسىز ءجۇرىپ-تۇرۋ ءۇشىن جۇك تاسىمالداۋ سالا­سىن­داعى كاسىپكەرلەردەن پارا الىپ كەلگەن ەكەن. پارا سوماسى 10 000-نان 50 000 تەڭگەگە دەيىن­گى ارالىقتى قۇراعان. ونى جۇك كولىگى جۇرگىزۋشىلەرى قول الىسۋ كەزىندە ينسپەكتسيا قىز­مەت­كەرلەرىنە بەرىپ وتىر­عان. الىنعان پارالاردىڭ كۇن­دەلىكتى اينالىمى 150 مىڭنان 500 مىڭ تەڭگەگە دەيىن بارعان.

سىبايلاس جەمقورلىققا قارسى ءىس-قيمىل اگەنتتىگىنىڭ حابارلاۋىنشا, اقشا اۋدارى­مىنىڭ بارلىعى 20-دان استام ەپيزودى قۇجاتتالدى. 4 ادام­عا قاتىستى سوت «قاماۋعا الۋ» بۇلتارتپاۋ شاراسىن تاڭدا­دى, قالعان لاۋازىمدى تۇلعا­لار كىناسىن تولىق مويىندا­دى جانە تەرگەۋمەن بەلسەندى ىن­تى­­ماق­تاستىققا كەلدى.

قازىرگى ۋاقىتتا اگەنتتىك اتال­عان قىل­مىستىق سحەمانى جويۋ جانە وسىعان ۇقساس جەم­قور­لىق قۇ­قىق بۇزۋشى­لىقتارىن جاساۋعا جول بەرمەۋ بويىنشا كەشەندى الدىن الۋ جۇمىستارىن باستادى.

سىبايلاس جەمقورلىققا قارسى قىزمەت سونداي-اق قازىر اۋىل شارۋاشىلىعى مينيسترلىگىنىڭ اگرو­ونەر­كاسىپتىك كەشەنىندەگى مەملە­كەتتىك ينسپەكتسيا كوميتەتىنىڭ «فيتوسانيتاريا» شجق رمك باسشىلىعىنا قاتىستى ايتارلىقتاي مولشەردە پارا الۋ فاكتىسى بويىنشا قىل­مىستىق ءىستى تەرگەپ جاتىر. 

اتالعان تۇلعا «فيتو­سا­نيتاريا» شجق رمك-نىڭ 11 اۋماقتىق فيليالىنا جەت­كىزىلەتىن تاۋارلاردى قا­بىل­داۋ-بەرۋ اكتىلەرىنە كەدەر­گىسىز قول قويعانى جانە جالپى قام­قورلىعى ءۇشىن جەتكىزۋشى كوم­پانيالاردىڭ وكى­لىنەن اي­تار­لىقتاي مول­شەر­دە پارا العانى ءۇشىن ايىپ­­تالۋدا.

بارلىق ۇستال­عان ادام­ تەرگەۋمەن ىنتى­ماقتاس­تىق­قا كەلدى جانە مو­يىن­­داۋ ايعاقتارىن بەرۋدە. كۇدىكتى­نىڭ كىناسى تۋرالى تۇ­كپىلىك­تى شەشىمدى سوت شىعارادى. وزگە اقپارات تەرگەۋ مۇددەسىندە جاريا ەتىلمەيدى.