جوعارى جىلدامدىقتى جانە ەلەكترلەندىرىلگەن تەمىرجول كاير قالاسىن اينالاسىنداعى جاڭا قالالارمەن بايلانىستىرادى. جوبا قۇنى 4,5 ملرد دوللاردى قۇرايدى دەپ حابارلايدى Egemen.kz.
Siemens Mobility نەمىس كومپانياسى وسى ايدىڭ باسىندا ەگيپەتتىڭ National Authority for Tunnels باسقارماسىمەن جوسپارلانعان 1800 شاقىرىمنىڭ 660 شاقىرىمىن سالۋ جونىندە كەلىسىمگە قول قويدى.
ءبىرىنشى جول قىزىل تەڭىزدەگى اين-سوحنا پورت قالالارىن جەرورتا تەڭىزىندەگى مارس-ماترا مەن الەكساندريامەن بايلانىستىرادى. كومپانيانىڭ مالىمەتىنشە, بۇل جەلىنىڭ ءبىرىنشى ۋچاسكەسى 2023 جىلى پايدالانۋعا بەرىلەدى.
ەگيپەت حالقى 100 ميلليوننان اسادى, 1980 جىلدان بەرى ەكى ەسە ءوستى. شامامەن 20 ميلليون حالقى بار كاير قالاسى ءشول دالادا ورنالاسقان. تەمىر جول سالۋ مىسىر حالقىنىڭ سۇرانىسىن قاناعاتتاندىرۋ ءۇشىن جاسالىپ وتىر.
«جىلدام جۇرەتىن پويىز جول ۋاقىتىن قىسقارتادى جانە قوزعالۋدىڭ ەڭ ءتيىمدى ادىسىنە اينالادى. ەل تۇرعىندارى جىل ساناپ ءوسىپ كەلەدى. بۇل قوسىمشا ۇلكەن تابىس اكەلەدى», دەيدى Siemens Mobility كومپانياسىنىڭ باس ديرەكتورى مايكل پيتەر.
CNN مالىمەتى بويىنشا بۇل بايلانىس جىلىنا 30 ميلليوننان استام ادامدى تاسىمالداۋعا مۇمكىندىك بەرەدى جانە جول ءجۇرۋ ۋاقىتىن 50% قىسقارتادى. جوبا شامامەن 2027 جىلى اياقتالادى.