كەشە ۇكىمەت باسشىسى سەرىك احمەتوۆتىڭ توراعالىعىمەن وڭىرلىك دامۋ مينيسترلىگىنىڭ كەڭەيتىلگەن القا ءماجىلىسى بولىپ ءوتتى. ونىڭ جۇمىسىنا پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ, مينيسترلىكتىڭ قۇرىلىمدىق بولىمشەلەرىنىڭ باسشىلارى مەن وبلىستار جانە استانا, الماتى قالالارى اكىمدەرىنىڭ ورىنباسارلارى قاتىستى.
كەشە ۇكىمەت باسشىسى سەرىك احمەتوۆتىڭ توراعالىعىمەن وڭىرلىك دامۋ مينيسترلىگىنىڭ كەڭەيتىلگەن القا ءماجىلىسى بولىپ ءوتتى. ونىڭ جۇمىسىنا پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ, مينيسترلىكتىڭ قۇرىلىمدىق بولىمشەلەرىنىڭ باسشىلارى مەن وبلىستار جانە استانا, الماتى قالالارى اكىمدەرىنىڭ ورىنباسارلارى قاتىستى.
القا ماجىلىسىندە ۆەدومستۆونىڭ 2013 جىلعى جۇمىس قورىتىندىلارى, سونىمەن قاتار, اعىمداعى جىلعا قويىلعان مىندەتتەرى تۋرالى وسى مينيسترلىك باسشىسى بولات جامىشەۆ جاساعان باياندامادا وڭىرلەردى دامىتۋ, قالا قۇرىلىسى جانە جەر كاداسترىن قۇرۋ جايى, سونىمەن قاتار, «قولجەتىمدى تۇرعىن ءۇي», «مونوقالالاردى دامىتۋ», «تۇرعىن ءۇي-كوممۋنالدىق شارۋاشىلىقتى جاڭعىرتۋ», «اق بۇلاق», «بيزنەستىڭ جول كارتاسى» باعدارلامالارىنىڭ ىسكە اسىرىلۋ بارىسى تۋرالى ءسوز بولدى. ب.جامىشەۆ ەل اۋماعىن ۇيىمداستىرۋدىڭ باس سحەماسىن ىسكە اسىرۋ اياسىندا جاقىنداعى ءۇش جىل ىشىندە اۋماقتىق دامۋدىڭ وڭىرارالىق سحەماسى ازىرلەنەتىندىگىن ايتىپ ءوتتى.
قازىرگى كۇنى «مونوقالالاردى دامىتۋ» باعدارلاماسىن جۇزەگە اسىرۋعا ەكپىن بەرىلۋدە. ولاردىڭ كوممۋنالدىق سالاسىنداعى پايدا بولعان پروبلەمالاردى شەشۋ ءۇشىن 2013 جىلى قارجىلاندىرۋ كولەمى ەكى ەسەگە ۇلعايتىلدى (6 ملرد.-تان 14,8 ملرد. تەڭگەگە دەيىن). بۇل مونوقالالاردىڭ ينجەنەرلىك ينفراقۇرىلىمدارىن دامىتۋ جانە اباتتاندىرۋ بويىنشا 195 جوبانى ىسكە اسىرۋعا ىقپال ەتتى.
2100-دەن استام اۋىلدىق ەلدى مەكەندەردەگى الەۋمەتتىك جانە ينجەنەرلىك ينفراقۇرىلىم نىساندارىن كوممۋنالدىق رەتكە كەلتىرۋ جانە جوندەۋ بويىنشا 2500 جوبا ىسكە اسىرىلدى. بۇل رەتتە, «نەنى جوندەۋ قاجەت جانە قانداي جوبالارعا قاراجات جۇمساعان ءجون» دەگەن ءماسەلەلەر اۋىل تۇرعىندارىنىڭ قاتىسۋىمەن شەشىلدى.
مينيسترلىك قاداعالاۋىندا تۇرعان «بيزنەستىڭ جول كارتاسى-2020» باعدارلاماسى – كاسىپكەرلەردى قولداۋدىڭ ەڭ ءتيىمدى تەتىكتەرىنىڭ ءبىرى. بۇگىنگى كۇنى 36 مىڭنان استام كاسىپكەر باعدارلاما بويىنشا قولداۋ شارالارىمەن قامتىلىپ, ەكونوميكاداعى ءاربىر 5-ءشى جاڭا جۇمىس ورنى وسى ءىستىڭ اياسىندا قۇرىلدى.
تۇرعىن ءۇي قۇرىلىسى ماسەلەلەرى بويىنشا مينيسترلىكتىڭ 2013 جىلعى قىزمەتى حالىقتىڭ تۇرعىن ۇيگە قولجەتىمدىلىگىن ودان ءارى ارتتىرۋعا جانە ۇلەسكەرلەردىڭ قاراجاتىن قورعاۋ تەتىكتەرىن ازىرلەۋگە باعىتتالدى. تۇرعىن ۇيگە دەگەن ءوسىپ كەلە جاتقان قاجەتتىلىك ەسكەرىلە وتىرىپ, جەرگىلىكتى اتقارۋشى ورگانداردا كەزەكتە تۇرعان ادامدار ءۇشىن «تۇرعىن ءۇي قۇرىلىس جيناق بانكى» اق, «قازاقستاندىق يپوتەكالىق كومپانيا» اق, «سامۇرىق-قازىنا» جىلجىمايتىن م ۇلىك قورى» اق ارقىلى سالىنىپ جاتقان تۇرعىن ۇيلەردى ساتۋ ماسەلەلەرى قوسىمشا پىسىقتالۋ ۇستىندە. وتكەن جىلى بارلىق قارجىلاندىرۋ كوزدەرى بويىنشا تۇرعىن ءۇي قۇرىلىسىنا 477,8 ملرد. تەڭگە ينۆەستيتسيا جۇمسالىپ, سالىنعان قارجى كولەمى 2012 جىلعا قاراعاندا 7 پايىزعا ارتتى. ەلىمىز بويىنشا 6,8 ملن. شارشى مەتر تۇرعىن ءۇي سالىنسا, ونىڭ 3,6 ملن. شارشى مەترىن نەمەسە 52 پايىزىن جەكە تۇرعىن ءۇي قۇرىلىسى قۇرادى.
بارلىق اكىمدىكتەر جالعا بەرىلەتىن تۇرعىن ءۇيدى ىسكە قوسۋ بويىنشا جىلدىق جوسپاردى ورىندادى. كەزەكتە تۇرعاندار جانە جاس وتباسىلار ءۇشىن الاڭى 389,1 مىڭ شارشى مەتر بولاتىن 6680 پاتەر سالىندى.
نەسيە قاراجاتى ەسەبىنەن تۇرعىن ءۇي قۇرىلىس جيناقتارى جۇيەسى ارقىلى تۇرعىن ءۇي سالۋعا جانە ساتۋعا 2013 جىلى رەسپۋبليكالىق بيۋدجەتتەن وڭىرلەرگە 29,4 ملرد. تەڭگە ءبولىنىپ, بۇل قارجى 95 پايىزعا يگەرىلدى (نەسيە قاراجاتىن يگەرۋ مەرزىمى – 2 جىل). وعان الاڭى 314,6 مىڭ شارشى مەتر بولاتىن 4 793 پاتەر سالىنىپ, جىلدىق جوسپار 121 پايىزعا ورىندالدى.
القا ءماجىلىسىن قورىتىندىلاعان پرەمەر-مينيستر سەرىك احمەتوۆ «مەملەكەت باسشىسىنىڭ جارلىعىنا سايكەس قۇرىلعان دەربەس وڭىرلىك دامۋ مينيسترلىگى وڭىرلىك ساياساتتى جۇيەلەندىرۋدى مۇمكىن ەتتى», دەي كەلە, وسىعان وراي 2013 جىلدىڭ ايماقتاردىڭ ىرعاقتى دامۋىن قامتاماسىز ەتۋدە كوپ جاعدايدا ايقىنداۋشى كەزەڭ بولعاندىعىن اتاپ كورسەتتى.
پرەمەر-مينيستر ءوز سوزىندە وڭىرلىك دامۋدىڭ اۋقىمدى ءماسەلەلەرىنە ەرەكشە نازار اۋداردى. اتاپ ايتقاندا, وڭىرلىك ساياساتتا باسىمدىلىق بەرىلىپ وتىرعان ەكونوميكالىق ءوسىم ورتالىقتارىن قالىپتاستىرۋ ماسەلەسىنە كەڭىنەن توقتالىپ ءوتتى.
«مەملەكەت باسشىسىنىڭ تاپسىرماسى بويىنشا استانا, الماتى, شىمكەنت جانە اقتوبە قالالارىندا وسى قالالاردىڭ بولاشاق دامۋىن نەگىزدەيتىن اگلومەراتسيالار قۇرىلۋدا. پرەزيدەنت ءبىزدىڭ الدىمىزعا استانا مەن الماتى اگلومەراتسيالارىن دامىتۋدىڭ 2030 جىلعا دەيىنگى ستراتەگياسىن دايىنداۋ مىندەتىن قويدى. بۇل ماڭىزدى قۇجات بيىلعى جىلدىڭ سوڭىنا دەيىن ءازىر بولۋى كەرەك. سوندىقتان, بىرلەسىپ اتقاراتىن بۇل جۇمىس سىزدەردىڭ باستى نازارلارىڭىزدا بولۋى ءتيىس», دەدى س.احمەتوۆ.
وسىعان وراي پرەمەر-مينيستر وڭىرلىك دامۋ ءمينيسترلىگىنە اكىمدەرمەن بىرلەسە وتىرىپ, دامۋ باعدارلامالارى شەڭبەرىندە بارلىق قالالار مەن اۋدانداردى مەملەكەتتىك قولداۋ شارالارىمەن تولىق قامتۋ بويىنشا قوسىمشا شارالار قابىلداۋدى تاپسىردى.
«تۇتاستاي العاندا, مينيسترلىك وزىنە جۇكتەلگەن مىندەتكە سايكەس وڭىرلىك دامۋعا باعىتتالعان بارلىق باعدارلامالاردى ۇيلەستىرۋ ىسىنە ەرەكشە ءمان بەرىپ, وسى ءىستەگى مونيتورينگتىك شارالاردى كۇشەيتە ءتۇسۋى كەرەك», دەدى س.احمەتوۆ.
ۇكىمەت باسشىسى, سونداي-اق, پرەزيدەنتتىڭ تۇرعىنداردىڭ «قولجەتىمدى تۇرعىن ءۇي» باعدارلاماسىنا قاتىسۋى جاعدايىن وڭايلاتۋ جونىندەگى تاپسىرماسىن بۇلجىتپاي ورىنداۋ قاجەتتىگىن ەسكەرتتى.
«بۇل ءۇشىن باعدارلامانىڭ بارلىق باعىتتارى بويىنشا ءۇي كەزەگىندە تۇرعانداردىڭ پاتەر الۋىن ەرەكشە نازاردا ۇستاۋ كەرەك, باعدارلاماعا قاتىسۋشىلاردىڭ بارلىعىنا ءبىرىڭعاي تالاپ قويۋ ماسەلەسىن رەتكە كەلتىرىپ, وسىعان وراي باعدارلاماعا ءتيىستى تۇزەتۋلەر ەنگىزۋدى جەدەلدەتۋ قاجەت», دەپ اتاپ كورسەتتى س.احمەتوۆ.
ءسوزىن قورىتىندىلاي كەلە, پرەمەر-مينيستر مەملەكەت باسشىسىنىڭ تاپسىرمالارىن ورىنداۋ ءۇشىن مينيسترلىككە ۇزاق-مەرزىمدى ەكونوميكالىق ءوسىم ورتالىقتارىن قۇرۋ بويىنشا جۇمىستى شيراتا ءتۇسۋدى, وسى ىستەگى مەملەكەتتىك قولداۋ شارالارىن بارىنشا رەتتەۋدى تاپسىردى.
«مينيسترلىك وڭىرلەردى دامىتۋعا باعىتتالعان بيۋدجەت قارجىسىن ءتيىمدى پايدالانۋعا ەرەكشە نازار اۋدارىپ, وسى ءىستى ۇيلەستىرۋدى قامتاماسىز ەتەتىن بولسىن. بۇل ىستە مينيسترلىك ارقىلى كورىنىس تاباتىن «ءبىر تەرەزە» قاعيداتى وبلىستار ءۇشىن بيۋدجەتتىك ينۆەستيتسيالىق جوبالاردى بەكىتۋ كەزىندە ماڭىزدى بۋىن بولۋى ءتيىس», دەپ اتاپ كورسەتتى ۇكىمەت باسشىسى.
سۇڭعات ءالىپباي,
«ەگەمەن قازاقستان».