شانحاي ىنتىماقتاستىق ۇيىمى (شىۇ) ەلدەرىنىڭ كوشباسشىلارى بىرلەستىككە يراندى قوسۋدى ۇيعاردى. ولار تاجىكستانداعى سامميت كەزىندە پروتسەدۋرانىڭ باستالۋى تۋرالى قۇجاتتارعا قول قويدى, دەپ جازادى Egemen.kz.
شىۇ كوشباسشىلارى بىرلەستىكتىڭ 20 جىلدىعىنا ارنالعان دۋشانبە دەكلاراتسياسىنا جانە ىنتىماقتاستىق تۋرالى تاعى 30 قۇجاتقا قول قويدى. سونىمەن قاتار, كاتار, ەگيپەت جانە ساۋد ارابياسى شىۇ ديالوگى بويىنشا سەرىكتەس مارتەبەسىن الدى.
17 قىركۇيەكتە تاجىكستان پرەزيدەنتى ەمومالي راحموننىڭ توراعالىعىمەن وتكەن سامميتكە شىۇ-عا مۇشە مەملەكەتتەردىڭ باسشىلارى قاتىستى. ولاردىڭ قاتارىندا مەملەكەت باسشىسى قاسىم-جومارت توقاەۆ, قىرعىزستان پرەزيدەنتى سادىر جاپاروۆ, پاكىستان پرەمەر-ءمينيسترى يمران حان جانە وزبەكستان پرەزيدەنتى شاۆكات ميرزيەەۆ بار. قحر توراعاسى سي تسزينپين, ءۇندىستان پرەمەر-ءمينيسترى نارەندرا مودي جانە رەسەي پرەزيدەنتى ۆلاديمير پۋتين شىۇ وتىرىستارىنىڭ جۇمىسىنا بەينە بايلانىس ارقىلى قوسىلدى.