سولتۇستىك قازاقستان وبلىسىنداعى بالاسىنا 3 جىل بويى اليمەنت تولەمەي, حالىقارالىق ىزدەۋگە جاريالانعان ەر ادام ءازىربايجاننان تابىلدى, دەپ حابارلايدى Egemen.kz.
سقو پوليتسيا دەپارتامەنتى ءباسپاسوز قىزمەتىنىڭ مالىمەتىنشە, ازەربايجان ازاماتى 2019 جىلدان بەرى حالىقارالىق ىزدەۋدە جۇرگەن. سقو-داعى بالاسىنا اليمەنت تولەمەي قاشىپ كەتكەن ەر ادامدى ميگراتسيالىق قىزمەت الدىمەن كورشى رەسەيدەن ىزدەگەن.
كەيىن بورىشكەردىڭ ءوز ەلىندە ءجۇرۋى مۇمكىن دەگەن اقپارات تۇسىسىمەن, جەرگىلىكتى پوليتسەيلەر ازەربايجان رەسپۋبليكاسىنداعى ارىپتەستەرىمەن بايلانىسقا شىقتى. ناتيجەسىندە ونىڭ جۇرگەن جەرى انىقتالدى. ەر ادامعا قاتىستى جينالعان ماتەريال جەكە سوت ورىنداۋشىلارىنا بەرىلدى.
ء«ازىربايجان ازاماتىن بورىشكەرلەردى انىقتاۋعا ارنالعان اكتسيا اياسىندا تاپتىق. بۇل ءىس-شارا 15-17 تامىز ارالىعىندا وتكەن ەدى. ەكى كۇننىڭ ىشىندە ىزدەۋدە جۇرگەن 15 ادام تابىلدى, ونىڭ ەكەۋى - تۋىستىق قاتىناستىڭ جوعالۋىنا بايلانىستى, 3 بورىشكەر بولسا, 10-ى - اليمەنت تولەۋدەن قاشىپ جۇرگەندەر. جالپى اكتسيا باستالماس بۇرىن ءبىزدىڭ وندىرىستە 80 تەرگەۋ ءىسى بولدى. ونىڭ 28-ءى بورىشكەرگە, 31-ءى اليمەنت تولەمەگەندەرگە جانە 21-ءى تۋىستىق قاتىناستى جوعالتقاندارعا قاتىستى. ولاردى تابۋعا پوليتسيانىڭ بۇكىل قۇرىلىمدارى جۇمىلدىرىلادى», دەيدى سقو پد كوشى-قون قىزمەتى باسقارماسىنىڭ باستىعى تالعات ابىلەۆ.