قىزىلوردالىق پوليتسەيلەر تىيىم سالىنعان اۋديوماتەريالداردى ساقتاعان دەسترۋكتيۆتى ءدىني اعىمنىڭ جاقتاۋشىسىن ۇستادى, دەپ حابارلايدى Egemen.kz Polisia.kz-كە سىلتەمە جاساپ.
قىزىلوردا وبلىسى پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى جەدەل-ىزدەستىرۋ ءىس-شارالارى بارىسىندا وبلىس تۇرعىنىنىڭ قازاقستان رەسپۋبليكاسى اۋماعىندا تىيىم سالعان ءدىني مازمۇنداعى اۋديوماتەريالداردى ساقتاۋ فاكتىسىن انىقتادى.
سوت تىيىم سالعان اۋديوماتەريالداردى دەسترۋكتيۆتى ءدىني اعىمنىڭ جاقتاۋشىسى, قىزىلوردا وبلىسىنىڭ 40 جاستاعى تۇرعىنى ۆكونتاكتە پاراقشاسىندا ساقتاعان.
كۇدىكتىگە قاتىستى قر اقبتك-ءنىڭ 453-بابىنىڭ 1-بولىگى (قازاقستان رەسپۋبليكاسىنىڭ كونستيتۋتسيالىق قۇرىلىسىن كۇشتەپ وزگەرتۋدى, ونىڭ تۇتاستىعىن بۇزۋدى, مەملەكەت قاۋىپسىزدىگىنە نۇقسان كەلتىرۋدى, سوعىستى, الەۋمەتتىك, ناسىلدىك, ۇلتتىق, ءدىني, تەكتىك-توپتىق جانە رۋلىق ارازدىقتى قوزدىرۋدى ناسيحاتتاۋعا نەمەسە ۇگىتتەۋگە باعىتتالعان مالىمەتتەر مەن ماتەريالدار قامتىلعان بۇقارالىق اقپارات قۇرالدارىنىڭ ءونىمىن دايىنداۋ, ساقتاۋ, اكەلۋ, قازاقستان رەسپۋبليكاسىنىڭ اۋماعىنا تاسىمالداۋ) بويىنشا اكىمشىلىك حاتتاما تولتىرىلدى. سوت قاۋلىسىمەن قۇقىق بۇزۋشىعا 40 838 تەڭگە كولەمىندە اكىمشىلىك ايىپپۇل سالىندى.