قازگيدرومەت 17 قىركۇيەكتە قازاقستاننىڭ بىرقاتار وڭىرىندە اۋا رايىنا بايلانىستى ەسكەرتۋ جاريالادى, دەپ حابارلايدى Egemen.kz.
17 قىركۇيەكتە سولتۇستىك قازاقستان وبلىسىندا وڭتۇستىك-باتىستان, باتىستان جەل سوعادى, تۇندە وبلىستىڭ سولتۇستىك-باتىسىندا ەكپىنى 15-20 م/س, كۇندىز باسىم بولىگىندە كۇشى 15-20 م/س, ەكپىنى 23-28 م/س كۇتىلەدى.
قوستاناي وبلىسىنىڭ سولتۇستىگىندە 3 گرادۋسقا دەيىن ۇسىك كۇتىلەدى. كۇندىز وبلىستىڭ وڭتۇستىگىندە نايزاعاي وينايدى. سولتۇستىك-باتىستان, باتىستان جەل سوعادى.
ماڭعىستاۋ وبلىسىنىڭ ورتالىعىندا جانە وڭتۇستىك-شىعىسىندا, شاڭدى داۋىل كۇتىلەدى. سولتۇستىكتەن, سولتۇستىك-شىعىسىندا سوعاتىن جەلدىڭ جىلدامدىعى 15-20 م/س جەتەدى.
قىزىلوردا وبلىسىنىڭ سولتۇستىگىندە نايزاعاي كۇتىلەدى. وڭتۇستىك-باتىستان سوعاتىن جەل سولتۇستىك-باتىسقا اۋىسادى, كۇندىز وبلىستىڭ ورتالىعىندا 15-20 م/س جىلدامدىقپەن جەل سوعادى.
پاۆلودار وبلىسىندا وڭتۇستىك-باتىستان جەل سوعادى, وبلىستىڭ وڭتۇستىگىندە جەلدىڭ جىلدامدىعى 25 م/س جەتەدى.
تۇندە 17 قىركۇيەكتە باتىس قازاقستان وبلىسىنىڭ سولتۇستىك-شىعىسىندا توپىراق بەتىندە 3 گرادۋس ۇسىك كۇتىلەدى.
نۇر-سۇلتان قالاسىندا باتىستان, وڭتۇستىك-باتىستان جەل سوعادى.
شىعىس قازاقستان وبلىسىنىڭ باتىسىندا, سولتۇستىك-باتىسىندا نايزاعاي وينايدى.
اقمولا وبلىسىندا كۇشتى جەل سوعادى.
كۇندىز 17 قىركۇيەكتە قاراعاندى وبلىسىنىڭ باتىسىندا, سولتۇستىگىندە جانە ورتالىعىندا وڭتۇستىك-باتىستان سوققان جەلدىڭ ەكپىنى 15-20 م/س جەتەدى.