ءماجىلىس توراعاسى نۇرلان نىعماتۋلين تۇركىتىلدەس مەملەكەتتەردىڭ پارلامەنتتىك اسسامبلەياسىنىڭ (تۇركپا) باس حاتشىسى التىنبەك مامايۋسۋپوۆتى قابىلدادى, دەپ جازادى Egemen.ءkz ماجىلىستىڭ ءباسپاسوز قىزمەتىنە سىلتەمە جاساپ.
كەزدەسۋ بارىسىندا تۇركپا-نىڭ مەرەيتويلىق X پلەنارلىق وتىرىسىنا دايىندىق ماسەلەلەرى تالقىلاندى.
تۇركىتىلدەس ەلدەر پارلامەنتشىلەرىنىڭ فورۋمى ۇستىمىزدەگى جىلدىڭ 27-28 قىركۇيەگىندە تۇركى الەمىنىڭ استاناسى تۇركىستان قالاسىندا وتەدى. تۇركپا كەڭەسىنىڭ ح پلەنارلىق وتىرىسىنا ءازىربايجان, قازاقستان, قىرعىزستان جانە تۇركيا پارلامەنتتەرىنىڭ باسشىلارى قاتىسادى دەپ كۇتىلۋدە. ءماجىلىس توراعاسى نۇرلان نىعماتۋلين پارلامەنت وكىلدەرىنىڭ الداعى كەزدەسۋى تۋرالى ايتىپ, X پلەنارلىق سەسسيانىڭ ماڭىزدىلىعىنا توقتالدى. سونىمەن قاتار, بۇل دەپۋتاتتارعا العاشقى ونجىلدىقتاعى جۇمىسىنىڭ قورىتىندىسىن شىعارىپ قانا قويماي, قازىرگى زاماننىڭ وزەكتى ماسەلەلەرىن ەسكەرەتىن جانە ودان ءارى ىنتىماقتاستىقتىڭ كەلەشەكتەگى باعىتتارىن تولىق اۋقىمدى تالقىلاۋعا مۇمكىندىك بەرەتىنىنە نازار اۋداردى.
قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ باستاماسىمەن قۇرىلعان تۇركىتىلدەس ەلدەردىڭ پارلامەنتتىك اسسامبلەياسى بۇگىندە ءازىربايجان, قازاقستان, قىرعىزستان جانە تۇركيانىڭ پارلامەنت وكىلدەرىن قامتيدى. ۆەنگريا 2014 جىلى وسى پارلامەنتتىك ۇيىمدا باقىلاۋشى مارتەبەسىن الدى. تۇركپا-نىڭ مەرەيتويلىق ح پلەنارلىق وتىرىسىنا وزبەكستاننىڭ پارلامەنت وكىلدەرى دە شاقىرىلدى.