اۋعانستانداعى تۇراقسىز ساياسي جانە اسكەري جاعداي قىتايعا مىس كەنىشىن يگەرۋگە مۇمكىندىك بەرمەي وتىر, دەپ حابارلايدى Egemen.kz Lenta.ru-عا سىلتەمە جاساپ.
قىتايلىق Jiangxi Copper كورپوراتسياسى 2007 جىلى لوگار پروۆينتسياسىنىڭ ايناك كەن ورنىندا مىس ءوندىرۋ تەندەرىن جەڭىپ الدى. كومپانيانىڭ باس ديرەكتورى چجەن گاوتسين ونلاين-بريفينگتە اۋعانستانداعى جاعداي تۇراقتانعاننان كەيىن ءتيىستى تاۋ-كەن ينفراقۇرىلىمىن سالۋ جۇمىستارىن باستايتىنىن ايتتى.
قازىر كومپانيا اۋعانستانداعى وقيعالاردىڭ دامۋىن ءجىتى باقىلاپ وتىر. 13 قىركۇيەكتە بەيجىڭنىڭ اۋعانستان حالقىنا 31 ميلليون دوللارعا گۋمانيتارلىق كومەك, سونداي-اق ءۇش ميلليون دوزاداعى COVID-19 ۆاكتسينالارىنىڭ پارتياسىن ءبولۋ جوسپارلارى بەلگىلى بولدى.
8 قىركۇيەكتە «تاليبان» وكىلى ولاردىڭ ۇيىمى پەكينمەن قارىم-قاتىناس ورناتۋ ءۇشىن ۇيعىر تەرروريستەرىمەن قارىم-قاتىناستى ۇزگەنىن ايتتى.
3 قىركۇيەكتە «تاليباننىڭ» وكىلى زابيۋللا مۋدجاحيد قىتاي رەسپۋبليكاسىن سودىرلاردىڭ باستى شەتەلدىك سەرىكتەسى دەپ اتادى. ول قىتاي ۇكىمەتىنىڭ اۋعانستاندى دامىتۋعا ينۆەستيتسيا سالۋعا دايىن ەكەنىن اتاپ ءوتىپ, بەيجىڭ اۋعان تاۋ-كەن ءوندىرىسىن قالپىنا كەلتىرۋدى قولدايدى دەگەن ءۇمىتىن ءبىلدىردى.