قر قورعانىس ءمينيسترى مۇرات بەكتانوۆ اقش ورتالىق كوميتەتىنىڭ قولباسشىسى گەنەرال كەننەت ماككەنزيدى قابىلدادى, دەپ حابارلايدى Egemen.kz مينيسترلىكتىڭ رەسمي سايتىنا سىلتەمە جاساپ.
نۇر-سۇلتاندا قازاقستان قورعانىس ۆەدومستۆوسىنىڭ باسشىسى گەنەرال-لەيتەنانت مۇرات بەكتانوۆ پەن اقش قارۋلى كۇشتەرى ورتالىق قولباسشىلىعىنىڭ باسشىسى گەنەرال كەننەت ماككەنزي كەزدەستى.
تاراپتار اۋعانستانداعى جاعداي مەن وڭىرلىك قاۋىپسىزدىكتى, سونداي-اق قازاقستان مەن اقش اراسىنداعى حالىقارالىق اسكەري ىنتىماقتاستىقتى, ونىڭ ىشىندە بىتىمگەرشىلىك قىزمەت شەڭبەرىندەگى ماسەلەلەردى تالقىعا سالدى.