مەملەكەت باسشىسىنىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا ارناعان جولداۋىنداعى ماسەلەلەردى ىسكە اسىرۋ بارىسىندا شىمكەنت قالاسى دەنساۋلىق ساقتاۋ جۇيەسىنىڭ تيىمدىلىگىن ارتتىرۋدا, دەپ حابارلايدى Egemen.kz.
وسى باعىتتا شىمكەنت قالاسىندا 2025 جىلعا دەيىن 1 مىڭ توسەك ورىندىق اۋرۋحانا سالىنىپ, 10 مەديتسينالىق مەكەمەنىڭ قۇرىلىسى جۇرگىزىلەدى. قالا ورتالىعىنان شالعايدا ورنالاسقان اۋماقتاردا 12 دارىگەرلىك امبۋلاتوريانىڭ قۇرىلىسى باستالادى.
بۇگىندە 36 مەديتسينالىق ۇيىمنىڭ ماتەريالدىق بازاسى جاڭارتىلعان. 6 مەديتسينالىق ۇيىمنىڭ عيماراتتارى كۇردەلى جوندەۋ جۇمىستارىنان وتكىزىلگەن. دەنساۋلىق ساقتاۋ جۇيەسىنىڭ تيىمدىلىگىن ارتتىرۋ ماقساتىندا جىل سايىن 300 مىڭنان استام سكرينينگتىك زەرتتەۋلەر جۇرگىزىلەدى. ءدارى-دارمەكپەن قامتاماسىز ەتۋ قاراجاتى ارتادى.
«پرەزيدەنت وتاندىق ءدارى-دارمەك پەن قۇرال-جابدىقتىڭ ۇلەسىن 17 پايىزدان 50 پايىزعا جەتكىزۋ مەجەسىن بەلگىلەدى. قالادا فارماتسەۆتيكالىق كلاستەر دامىعان. مەديتسينا جابدىقتارىنىڭ ءوندىرىسى دە قولعا الىندى. بۇل كورسەتكىشكە قول جەتكىزۋگە مەگاپوليستىڭ الەۋەتى جەتەدى دەپ سەنەمىز», دەپ جازادى قالا اكىمدىگىنىڭ ءباسپاسوز قىزمەتى.