بيىل سۋ كولىگىندەگى اپات پەن ءولىم-ءجىتىم ازايدى

بارلىعى 2 مىڭنان استام شاعىن كولەمدى كەمە (گيدروتسيكلدەر, كاتەرلەر, موتورلى قايىقتار جانە ت.ب.) تەكسەرىلىپ, 624 اكىمشىلىك قۇقىق بۇزۋ جاعدايى انىقتالدى.

«ولاردىڭ نەگىزگى تۇرلەرى: قۇتقارۋ قۇرالدارىنسىز كەمەلەردى پايدالانۋ (قۇتقارۋ كەۋدەشەلەرى, بەلدىكتەر, كەۋدەشەلەر) – 326 جاعداي; كەمە قۇجاتتارىنسىز پايدالانۋ – 104 جاعداي; قۇقىعى جوق ادامنىڭ شاعىن كولەمدى كەمەنى باسقارۋ – 83 جاعداي», دەپ جازىلعان ۆەدومستۆو تاراتقان حابارلامادا.

بۇدان باسقا, تەكسەرۋ بارىسىندا بەلگىلەنگەن تارتىپكە ساي تىركەلمەگەن نەمەسە تەحنيكالىق بايقاۋدان (كۋالاندىرۋدان) وتپەگەن كەمەلەردى پايدالانۋ, شاعىن كولەمدى كەمەلەر مەن وزگە دە ءجۇزۋ قۇرالى جۇرگىزۋشىلەرىنىڭ بەلگىلەنگەن جىلدامدىقتى اسىرۋى, ناۆيگاتسيالىق بەلگىلەر تالاپتارىنىڭ ساقتالماۋى, تىيىم سالىنعان ورىنداردا كەمەنى ادەيى توقتاتۋ نەمەسە توقتاپ تۇرۋ, مانەۆر جاساۋ قاعيدالارىنىڭ بۇزىلۋى, كەمە بورتىنان قوقىس پەن وزگە دە زاتتاردى لاقتىرۋ, شاعىن كولەمدى كەمەلەر جۇرگىزۋشىلەرىنىڭ كولىكتى پايدالانۋدىڭ وزگە دە ەرەجەلەرىن بۇزۋى سياقتى جاعدايلار انىقتالدى.

دەگەنمەن, بيىل سۋ كولىگىندە تىركەلگەن كولىك وقيعالارى مەن ءولىم-ءجىتىم سانى وتكەن كەزەڭمەن سالىستىرعاندا 55%-عا تومەندەگەن.

«سكۋتەر» رەسپۋبليكالىق اكتسياسىن قر يدم كولىك كوميتەتى سۋ كولىگىن قاۋىپسىز پايدالانۋدى قامتاماسىز ەتۋ ماقساتىندا فلوتتاعى اپاتتاردىڭ الدىن الۋ جونىندەگى ءىس-شارالار جوسپارىن ىسكە اسىرۋ شەڭبەرىندە وتكىزەدى.

شومىلۋ ماۋسىمى اشىلعانعا دەيىن كوميتەتتىڭ اۋماقتىق ورگاندارى كەمە يەلەرىمەن, شاعىن كولەمدى كەمەلەر مەن دەمالىس ايماقتارى بازا-تۇراقتارىنىڭ يەلەرىمەن شاعىن كولەمدى فلوتتى قاۋىپسىز پايدالانۋدى رەتتەيتىن زاڭناما تالاپتارىن ءتۇسىندىرۋ بويىنشا پروفيلاكتيكالىق جۇمىس جۇرگىزدى.

«الايدا, پروفيلاكتيكالىق شارالارعا قاراماستان, بيىل 3 كولىك وقيعاسى ورىن الىپ, ناتيجەسىندە 3 ادام قازا تاۋىپ, 1 بالا زارداپ شەكتى. اقاۋلارى بار كەمەمەن ءجۇزۋ, سونداي-اق كەمە جۇرگىزۋشىلەرىنىڭ بەلگىلەنگەن جىلدامدىقتى اسىرۋى وسىنداي وقيعالاردىڭ نەگىزگى سەبەپتەرى بولىپ وتىر», دەپ جازىلعان حابارلامادا.