فۋتزالدان قازاقستاننىڭ ۇلتتىق قۇراماسى ليتۆادا ءوتىپ جاتقان الەم چەمپيوناتىن جارقىن جەڭىسپەن باستادى. ءوزىنىڭ تۇساۋكەسەر كەزدەسۋىندە ءبىزدىڭ جىگىتتەر كوستا-ريكانى قاپى قالدىردى.
العاشىندا 10 مينۋتقا جۋىق ۋاقىت بويى جەرلەستەرىمىز قارسىلاسىنىڭ وسال تۇسىن تابا الماي ءبىراز ابىگەرگە ءتۇستى. تەك ءبىرىنشى كەزەڭ بەل ورتاعا جەتكەن تۇستا بۇرىشتامادان بەرىلگەن دوپتى شىڭعىس ەسەنامانوۆ قاقپاعا ءدال ءتۇسىردى. تەك سودان كەيىن بارىپ قانا ريكاردو كاكانىڭ شاكىرتتەرى قۇلاشىن كەڭىنەن جايىپ, قارقىنىن كۇرت كۇشەيتتى. 12-مينۋتتا داۋرەن تۇرساعۇلوۆ ەكىنشى گولدى سوقسا, كوپ ۇزاماي كوستا-ريكانىڭ ويىنشىلارى ەسەپ ايىرماشىلىعىن قىسقارتتى. ال 14-مينۋتتا دۋگلاستىڭ قاڭىراتا تەپكەن دوبى قاقپا تورىنان تابىلسا, 17-مينۋتتا تاينان ۇش قورعاۋشىنىڭ اراسىنان سىتىلىپ شىعىپ, نىسانانى ءدال كوزدەدى.
ۇزىلىستەن كەيىن ءبىرجان ورازوۆ پەن تاينان ءبىر-ءبىر رەتتەن مەرگەندىك تانىتتى. ءسويتىپ, بۇل باسەكە 6:1 ەسەبىمەن جەرلەستەرىمىزدىڭ پايداسىنا شەشىلدى.
ەندى قازاقستاننىڭ فۋتزالشىلارى كەلەسى كەزدەسۋىن 15-قىركۇيەكتە ليتۆاعا قارسى وتكىزەدى. ال 18-قىركۇيەكتە ۆەنەسۋەلامەن شەبەرلىك بايقاسامىز.