فۋتبولدان قازاقستان پرەمەر-ليگاسىنىڭ 20 تۋرى ارتتا قالدى. بۇل باسەكەلەر پەتروپاۆلوۆسك, اتىراۋ, ورال, قاراعاندى, اقتوبە, شىمكەنت جانە قوستاناي قالالارىندا ءوتتى.
«قىزىلجار» ءوز الاڭىندا قىزىلوردانىڭ «قايسارىنىڭ» قاقپاسىنا جاۋاپسىز ەكى دوپ سالدى – 2:0. بۇل گولداردىڭ اۆتورلارى – الىبەك كاسىم مەن تيمۋر مۋلدينوۆ.
«اتىراۋ» مەن «تۇران» 2:2 ەسەبىمەن تەڭ تاراستى.
«اقجايىق» مەن «استانا» اراسىنداعى باسەكەنىڭ تاعدىرىن ەلوردالىق كلۋبتىڭ جارتىلاي قورعاۋشىسى ۆالەري چۋپەركانىڭ 10-مينۋتتا سوققان جالعىز دوبى شەشتى – 0:1.
قاراعاندىنىڭ «شاحتەرى» تالدىقورعاننىڭ «جەتىسۋىن» قابىلداپ, 3:1 ەسەبىمەن ۇتتى. بۇل گولداردىڭ بارلىعى دا ءبىرىنشى تايمدا سوعىلىپ, ورالحان ومىرتاەۆ دۋبل اۆتورى اتاندى.
«اقتوبە» مەن «تاراز» اراسىنداعى كەزدەسۋدە ەسەپ اشىلعان جوق – 0:0.
شىمكەنتتە «ورداباسى» «قايراتتى» 2:1 ەسەبىمەن قاپى قالدىردى. ال «توبىل» قوستانايدا اقتاۋدىڭ «كاسپيىنەن» ايلاسىن اسىردى – 2:1.
جوعارىداعى جەڭىسىنەن كەيىن «توبىل» قايتا كوش باستادى. ءداپ قازىر قوستانايلىق فۋتبولشىلاردىڭ 45 ۇپايى بار. ەكىنشى ورىنداعى «استانانىڭ» باستى قارسىلاسىنان ءبىر ۇپايى كەم. «قايرات» ءۇشىنشى ساتىعا تابان تىرەۋدە. الماتىلىقتار 37 ۇپايدى ەنشىلەپ وتىر.